अंगणवाडी सेविका-मदतनीसांना अनुदानाची प्रतीक्षाच

वाशिम जिल्ह्यातील प्रकार; १0७६ अंगणवाडीवर कार्यरत कर्मचारी अनुदानापासून वंचित.

वाशिम : अंगणवाडी सेविका, मदतनीस आणि मिनी अंगणवाडी सेविकांच्या मानधनात शासनाने भरघोस वाढ केली. मात्र, या वाढीपासून वाशिम जिल्ह्यातील १0७६ अंगणवाडीवर कार्यरत कर्मचारी वंचितच असल्याचे वास्तव समोर येत आहे. जिल्ह्यात १0७६ अंगणवाडी केंद्रांमधून चिमुकल्या विद्यार्थ्यांची प्राथमिक शिक्षणाची पूर्वतयारी करून घेतली जाते. १0७६ अंगणवाडी केंद्रावर तेवढय़ाच संख्येने अंगणवाडी सेविका आणि मदतनीस कार्यरत आहेत. अनेक अंगणवाडी केंद्रांना सुसज्ज इमारती नाहीत. भौतिक असुविधांच्या गर्तेत अडकलेल्या अंगणवाडी केंद्राप्रमाणेच आता कर्मचार्‍यांनाही मानधनापासून वंचित राहावे लागत आहे. वाढीव मानधन मिळाले नाही तसेच नियमित मानधनही दरमहा मिळत नाही, अशा व्यथा अंगणवाडी कर्मचारी व्यक्त करीत आहेत. अंगणवाडी सेविका व मदतनीस आणि मिनी अंगणवाडी सेविका यांच्या मानधनामध्ये १ एप्रिल २0१४ पासून वाढ केली आहे. एकात्मिक बाल विकास सेवा योजना अंतर्गत वाशिम जिल्हय़ात अंणगवाडी सेविका व मदतनीस यांचे दरमहा मानधन, इंधन, प्रवास भत्ता देयके व महिला बचत गटाचे आहार पुरवठा देयकेही वेळेवर मिळत नाहीत. याबाबत महाराष्ट्र राज्य अंगणवाडी, बालवाडी कर्मचारी संघटनेने जिल्हा परिषद प्रशासनाकडे वारंवार पाठपुरावा केला. मात्र, तरीही काहीच परिणाम झाला नाही, असा आरोप संघटनेचे कार्याध्यक्ष डिगांबर अंभोरे यांनी केला. अंगणवाडी सेविका, मदतनीस व पर्यवेक्षकांची अनेक पदे रिक्त आहेत. या पदांची पदभरती काही वेळा पुढे ढकलण्यात आली आहे. आता पुन्हा पदभरती सुरू होणार आहे. सदर भरतीबाबतची माहिती गावोगावे देण्यासाठी कर्मचार्‍यांना दवंडी देण्याचे निर्देश देण्यात आल्याचे महिला व बालकल्याण सभापती ज्योतीताई गणेशपुरे यांनी ह्यलोकमतह्णशी बोलताना सांगितले. अंगणवाडी सेविका व मदतनीस यांना विविध बैठका व इतर शासकीय कामानिमित्त तालुका व जिल्ह्याच्या ठिकाणी उपस्थित राहावे लागते. यासाठी इंधन, प्रवास भत्ता दिला जातो. गत तीन ते चार महिन्यांपासून जवळपास ६0 टक्के कर्मचार्‍यांना प्रवास भत्ता व इंधन खर्चही देण्यात आला नाही. त्यामुळे कर्मचार्‍यांवर आर्थिक संकटाची तलवार आहे.