एक वाजतापर्यंत चराईस सवलत

काकडा या गावातील लोकसंख्या १ हजार ५०० च्या आसपास असून या छोट्याशा गावात दहा रुग्ण आढळून आल्याबरोबर प्रशासनाने खबरदारी म्हणून संपूर्ण गावच प्रतिबंधित केले. त्यानंतर आणखी दोन रुग्णांची भर पडली असून रुग्णसंख्या बारावर पोहोचली आहे. अख्खे गावच प्रतिबंधित असल्याने शेतीतील मशागतीचे कामे थांबली आहे. त्यामुळे पिकांच्यावर तण वाढायला लागल्याने पिके धोक्यात आली आहे.

ठळक मुद्देकाकडावासीयांना दिलासा : जि.प. अध्यक्षांची अधिकाऱ्यांसह गावाला भेट

लोकमत न्यूज नेटवर्कवर्धा : कारंजा (घाडगे) तालुक्यातील काकडा या गावातील कोरोना रुग्णसंख्या दहावर पोहोचताच प्रशासनाकडून संपूर्ण गावच प्रतिबंधित करण्यात आले. गावातील सर्व रस्ते बंद असल्याने शेती मशागतीसह जनावरे चारण्याचा बिकट प्रश्न निर्माण झाला होता. त्यामुळे लोकमतने वृत्त प्रकाशित करताच जिल्हा परिषद अध्यक्ष सरिता गाखरे यांनी अधिकाऱ्यांसह गावाला भेट दिली. यावेळी गावकऱ्यांच्या समस्या जाणून घेत दुपारी १ वाजतापर्यंत जनावरे चारण्यासाठी सवलत दिली. त्यामुळे काकडावासीयांना मोठा दिलासा मिळाला आहे.काकडा या गावातील लोकसंख्या १ हजार ५०० च्या आसपास असून या छोट्याशा गावात दहा रुग्ण आढळून आल्याबरोबर प्रशासनाने खबरदारी म्हणून संपूर्ण गावच प्रतिबंधित केले. त्यानंतर आणखी दोन रुग्णांची भर पडली असून रुग्णसंख्या बारावर पोहोचली आहे. अख्खे गावच प्रतिबंधित असल्याने शेतीतील मशागतीचे कामे थांबली आहे. त्यामुळे पिकांच्यावर तण वाढायला लागल्याने पिके धोक्यात आली आहे. तसेच दुग्ध व्यवासिकांचे दरारोज अडीचशे ते तिनशे लिटर दूध वाया जात आहे. जनावरांनाही चारापाणी करण्याचा प्रश्न निर्माण झाला आहे.यासोबतच अनेकांच्या घराचे सिलिंडर, किराणा व भाजीपाला संपल्याने त्यांच्या अडचणी वाढल्या होत्या. याची माहिती जिल्हा परिषद अध्यक्ष सरिता गाखरे यांना मिळताच त्यांनी जिल्हाधिकाऱ्यांशी या समस्यांबाबत चर्चा करुन अधिकाºयांसह काकडा गाव गाठले. नागरिकांच्या समस्या जाणून घेत दुपारी १ वाजतापर्यंत जनावरे चराईस सवलत देण्यासोबतच सिलिंडर, भाजीपाला, किराणा आदी साहित्य घरपोच देण्याच्या सूचना अधिकाऱ्यांना केल्यात. तसेच गावकऱ्यांना प्रशासनाला सहकार्य करण्याचे आवाहन केले.यावेळी जिल्हा आरोग्य अधिकारी डॉ. अजय डवले, गटविकास अधिकारी देशमुख, तालुका आरोग्य अधिकारी डॉ. सुरेश रंगारी, डॉ. राहुल धारकर, सागर लोहार, सरपंच, उपसरपंच, ग्रामसेवक टोपले, आशा वर्कर व ग्रामपंचायत कर्मचारी उपस्थित होते.