वेतनवाढीच्या मागणीवरून कामगार आक्रमक; वाहनांची तोडफोड आणि दगडफेक, नोएडातील घटना!

Noida Workers Protest: उत्तर प्रदेशातील नोएडा येथील फेज २ परिसरात एका कंपनीच्या कर्मचाऱ्यांनी वेतनवाढीच्या मागणीवरून वाहनांची तोडफोड आणि दगडफेक केल्याचा प्रकार समोर आला.

उत्तर प्रदेशातील नोएडा येथील फेज २ परिसरात एका कंपनीच्या कर्मचाऱ्यांनी वेतनवाढीच्या मागणीवरून वाहनांची तोडफोड आणि दगडफेक केल्याचा प्रकार समोर आला. या घटनेमुळे परिसरात भीतीचे वातावरण पसरले असून स्थानिक नागरिकांची आणि वाहनधारकांची पळापळ झाली. घटनेची माहिती मिळताच पोलिसांनी घटनास्थळी धाव घेतली असून परिस्थितीवर नियंत्रण मिळवला. पोलीस वरिष्ठ अधिकारी घटनास्थळावर लक्ष ठेवून आहेत. 

मिळालेल्या माहितीनुसार, नोएडा फेज २ मधील एका नामांकित कंपनीच्या कर्मचाऱ्यांनी गेल्या काही दिवसांपासून वेतनवाढीची मागणी लावून धरली होती. मात्र, प्रशासनाकडून सकारात्मक प्रतिसाद न मिळाल्याने आज शेकडो कर्मचारी कंपनीच्या बाहेर जमले आणि त्यांनी निदर्शने सुरू केली. पाहता पाहता या आंदोलनाने उग्र रूप धारण केले. त्यानंतर संतप्त कर्मचाऱ्यांनी रस्त्यावर उभ्या असलेल्या वाहनांची तोडफोड केली आणि दगडफेकही केली. या घटनेमुळे नोएडातील औद्योगिक क्षेत्रात खळबळ उडाली. 

#WATCH | Uttar Pradesh: Vehicles and properties vandalised and stones pelted in Phase 2 of Noida where a large number of employees of a company gathered in protest over their demands for a salary increment. Heavy Police deployment made here to bring the situation under control.… pic.twitter.com/1B0axJZSBN

— ANI (@ANI) April 13, 2026

घटनेची माहिती मिळताच पोलीस घटनास्थळी दाखल झाले असून आंदोलकांना पांगवण्याचे प्रयत्न सुरू केले आहेत. तसेच घटनास्थळी मोठ्या प्रमाणावर पोलीस बंदोबस्त तैनात करण्यात आला आहे.  या घटनेत किती नुकसान झाले आहे आणि कोणी जखमी झाले आहे का? याची अधिकृत माहिती मिळालेली नाही. याप्रकरणी पोलीस अधिक तपास करीत आहेत.