मुख्यमंत्री योगी यांनी घेतले माँ पाटेश्वरीचे दर्शन; उत्तर प्रदेशच्या जनतेच्या कल्याणासाठी केली प्रार्थना

मुख्यमंत्री योगी आदित्यनाथ यांनी माँ पाटेश्वरी मंदिरात उत्तर प्रदेशात सुख समृद्धी येण्यासाठी प्रार्थना केली.

CM Yogi Adityanath Visits Maa Pateshwari Temple: देशभरात शारदीय नवरात्रोत्सव मोठ्या उत्साहात साजरा केला जात आहे. भाविकांमध्ये प्रचंड उत्साह आहे. दरम्यान, उत्तर प्रदेशचे मुख्यमंत्री आणि गोरक्षपीठाधीपती योगी आदित्यनाथ शनिवारी दोन दिवसांच्या दौऱ्यावर बलरामपूर येथे आले. यावेळी त्यांनी माँ पाटेश्वरी मंदिरात रात्र घालवली. त्यांच्या भेटीदरम्यान, मुख्यमंत्री योगी आदित्यनाथ यांनी मंदिराच्या व्यवस्थेची आणि नवरात्रोत्सवाच्या तयारीचा आढावा घेतला. तसेच व्यवस्था कायम ठेवली जाईल याची खात्री करण्याचे निर्देश अधिकाऱ्यांना दिले.

मुख्यमंत्री योगी आदित्यनाथ यांनी रविवारी सकाळी तुलसीपूर येथील देवी शक्तीपीठ माँ पाटेश्वरी मंदिरात भेट दिली. यावेळी त्यांनी पूजा आणि प्रार्थना केली. यावेळी मुख्यमंत्री योगींच्या हस्ते पाटेश्वरी देवीची आरती देखील करण्यात आली. मुख्यमंत्र्यांनी उत्तर प्रदेशच्या सुखी, निरोगी आणि प्रसन्नतेसाठी देवीला प्रार्थना केली. यानंतर, मुख्यमंत्री गोशाळेत गेले, जिथे त्यांनी गायींना गूळ आणि चारा दिला. तसेच मुख्यमंत्री योगी आदित्यनाथ यांनी मंदिर परिसराच्या व्यवस्थेचीही पाहणी केली.

यावेळी मुख्यमंत्री योगी आदित्यनाथ यांनी मंदिरात आलेल्या भाविकांचे स्वागत केले. मुलांना पाहून ते त्यांच्या जवळ गेले आणि त्यांची विचारपूस केली. त्यानंतर त्यांनी त्यांना चॉकलेट दिले आणि परिश्रमपूर्वक अभ्यास करण्याचे आवाहन केले. यावेळी मंदिराचे महंत, मिथिलेश नाथ योगी आणि गोरखपूर येथील कालीबारी मंदिराचे महंत रवींद्र दास हे देखील उपस्थित होते.