Latest Uttar Pradesh News | Uttar Pradesh Marathi News | Latest Uttar Pradesh News in Marathi | उत्तर प्रदेश: ताज्या मराठी बातम्या

उत्तर प्रदेशातील सीतापूर जिल्ह्यात कोसळून लागलेल्या आगीमुळे संपूर्ण गाव जळून खाक झाले. या आगीत माय- लेकीचा होरपळून मृत्यू झाला आहे. तर, एक सात वर्षाची मुलगी गंभीररित्या भाजली असून तिच्यावर जवळच्या रुग्णालयात उपचार सुरू आहेत. या घटनेची माहिती मिळताच अग्मिशमन दलाने घटनास्थळी धाव घेऊन आगीवर नियंत्रण मिळवले. ही घटना शनिवारी संध्याकाळच्या सुमारास घडली. याप्रकरणी स्थानिक पोलीस ठाण्यात नोंद करण्यात आली असून घटनास्थळी मदतकार्य सुरू आहे. गावकऱ्यांनी धाडस दाखवत अनेक लोकांना सुखरूप बाहेर काढल्यामुळे मोठी जीवितहानी टळली.मिळालेल्या माहितीनुसार, ही घटना सदरपूर पोलीस ठाण्याच्या हद्दीत येणाऱ्या सरैया चालकापूर गावात घडली. अचानक पडलेल्या वीजेमुळे एका घरात आग लागली. त्यानंतर काही क्षणातच आगीने अनेक घरांना कवेत घेतले. गावकऱ्यांना आगीची मिळताच त्यांनी लोकांना सावध करण्यासाठी आरडाओरडा केला आणि आगीवर नियंत्रण मिळवण्यासाठी प्रयत्न सुरू केले. दुर्दैवाने या आगीत एक वृद्ध महिला आणि तिच्या लेकीचा मृत्यू झाला आहे. तर, सात वर्षाची मुलगी गंभीररित्या भाजली आहे. गावकऱ्यांनी तिला उपचारासाठी बिस्वान सामुदायिक आरोग्य केंद्रात दाखल केले, जिथे सध्या तिच्यावर उपचार सुरू आहेत. या चिमुकलीच्या प्रकृतीबाबत संपूर्ण गावात चिंतेचे वातावरण आहे. या घटनेची माहिती मिळताच अग्निशमन दलाच्या गाड्या घटनास्थळी दाखल झाल्या. मात्र, तोपर्यंत अनेक घरांचे नुकसान झाले. शर्थीचे प्रयत्न केल्यानंतर अग्निशमन दलाला आगीवर नियंत्रण मिळवण्यात यश आले. याप्रकरणी सदरपूर पोलीस ठाण्यात नोंद करण्यात आली असून दोन्ही मृत महिलांचे मृतदेह शवविच्छेदनासाठी रुग्णालयात पाठवण्यात आले. प्रशासनाने पीडित कुटुंबांना शक्य ती सर्व मदत पुरवण्याचे आश्वासन दिले असले तरी या घटनेमुळे गावकऱ्यांमध्ये भितीची वातावरण पाहायला मिळत आहे.

Uttar Pradesh (Marathi News)

उत्तर प्रदेशातील अमरोहा येथे सर्पदंश झालेल्या १३ वर्षांच्या मुलाचा अंधश्रद्धेमुळे मृत्यू झाला. ...

Uttar Pradesh meerut School Bus Accident: उत्तर प्रदेशातील मेरठ जिल्ह्यात आज सकाळी एका शालेय बसला भीषण अपघात घडला. ...