आंबाFOLLOW

अक्षय तृतीयेचा मुहूर्त गाठण्यासाठी कोकणासह राज्यभरातून तब्बल ९४ हजार आंबा पेट्या वाशी बाजारात दाखल झाल्या आहेत. गतवर्षीच्या तुलनेत हे प्रमाण कमी असले तरी या पेट्यांमुळे अक्षय तृतीयेच्या पूर्वसंध्येला वाशी बाजारपेठेत आंब्याचा दरवळ सुटला आहे.अक्षय तृतीयेच्या मुहूर्तावर आंबा खाण्याची प्रथा आजही मोठ्या प्रमाणात पाळली जाते. त्यामुळे या दिवसासाठी आंब्याला मागणी वाढते. त्याची दखल घेत गेल्या काही दिवसात वाशी बाजारपेठेत पेट्यांची आवक वाढली आहे.रविवारी कृषी उत्पन्न बाजार समितीला सुट्टी असते. त्यामुळे शेतकऱ्यांनी अक्षय तृतीयेचा मुहूर्त साधण्यासाठी शनिवारीच मोठ्चा प्रमाणावर आंबा बाजारात पाठवला आहे.शनिवारी (दि. १८) अक्षय तृतीयेच्या पूर्वसंध्येला वाशी कृषी उत्पन्न बाजार समितीमध्ये ९४ हजार आंबा पेटवा विक्रीला दाखल झाल्या. त्यापैकी ५८ हजार ८९४ पेट्या कोकणातील तर ३५ हजार ११२ पेट्या अन्य राज्यातील असल्याचे सांगण्यात आले.यावर्षी एकूणच आंबा उत्पादन कभी आहे. वाढत्या उष्म्यामुळे तयार होणारा आंबा काढून बागायतदार विक्रीसाठी वाशी येथील कृषी उत्पन्न बाजार समितीमध्ये पाठवत आहेत. या हंगामातील सर्वाधिक आवक शनिवारी झाली असल्याचे कृषी उत्पन्न बाजार समितीचे संचालक संजय पानसरे यांनी सांगितले.सध्या आंबा पेटीला १,५०० ते ४,००० रुपये दर आहे. गतवर्षी याच वेळी ८० हजार कोकणातील आंबा पेट्या विक्रीला होत्या, शिवाय दर हजार ते तीन हजार रुपये एवढे होते. गतवर्षीच्या तुलनेत आंबा कमी आहे, त्यामुळे यावर्षी दर टिकून आहेत.आंबा खाण्याचा मुहूर्तवैशाख महिन्यात उष्णता असहा होते. आयुर्वेदानुसार शरीराला थंडावा देण्यासाठी आंबा खाणे गुणकारी म्हटले जाते. आंबा पूर्णपणे पिकेपर्यंत थांबण्याची परंपरा असल्याने अक्षय तृतीयेपासून आंबा खाण्याची खरी सुरूवात मानली जाते. त्यामुळे अक्षय तृतीयेला आंब्याला वाढती मागणी असते.परराज्यातील आंब्याची आवक जोराततामिळनाडू, कर्नाटक, आंध्रप्रदेश येथील हापूस, बदामी, केशर, लालबाग, तोतापुरी, नीलम या प्रकारचा आंबा वाशी येथील कृषी उत्पन्न बाजार समितीमध्ये विक्रीसाठी येत आहे.कर्नाटक हापूस ७० ते १५० रुपये, बदामी ५० ते ८० रुपये, केशर ८० ते १५०, लालबाग ५० ते ६०, तोतापुरी ५० ते ६० तर नीलम ६० ते ७० रुपये किलो दराने विकण्यात येत आहे.गेल्या चार दिवसातील वाशी कृषी उत्पन्न बाजार समितीतील आवक• दि. १५ एप्रिल : महाराष्ट्र - ५०,६३८. अन्य राज्य - ३१,०९८०. एकूण - ८१,७३६.• दि. १६ एप्रिल : महाराष्ट्र - ४९,७६४. अन्य राज्य - ३३,४६०. एकूण - ८३,२२४.• दि. १७ एप्रिल : महाराष्ट्र - ५१,३८८. अन्य राज्य - ३१,२२०. एकूण - ८२,६०८.• दि. १८ एप्रिल : महाराष्ट्र - ५८,८९४. अन्य राज्य ३५,११२. एकूण - २४,००६.हेही वाचा : अल्पभूधारक बाळासाहेबांच्या जिद्द, कष्टाला आले यश; चार गुंठ्यांच्या पुदिना शेतीतून उत्पन्न पाच लाख

लाईव्ह न्यूज :

तेलासाठी जागतिक 'खेला'

मोदी Vs. दीदी... कोण जिंकणार?

सूर्य आग ओकतोय....

रिक्षा, टॅक्सी अन् मराठी सक्ती

IPL 2026

CM देवेंद्र फडणवीस

डोनाल्ड ट्रम्प

लोकमत ई-पेपर

शहरं

मनोरंजन

व्हिडीओ

आंबाFOLLOW

Read more

लोकमत शेती : अक्षय्य तृतीयेला देवगड हापूसऐवजी कर्नाटक हापूसची खरेदी; वाचा कोणत्या आंब्याला काय मिळाला दर?

अमरावती : आंब्याला तापमानाचा फटका ! नांदगाव खंडेश्वर तालुक्यात आंबिया बहराची गळ

लोकमत शेती : वाशी बाजार समितीत ९४ हजार आंब्याच्या पेट्यांची आवक; गतवर्षीच्या तुलनेत मात्र प्रमाण कमी

लोकमत शेती : Akshaya Tritiya Mango Market : आंब्यांनी भरली बाजारपेठ; हापूसपेक्षा 'या' आंब्याला जास्त मागणी!

लोकमत शेती : यंदा आंब्याने मारले पण काजूने तारले; ओल्या काजूगराबरोबरच काजूबीलाही मिळतोय चांगला दर

लोकमत शेती : Akshaya Tritiya Mango Market : आमरसासाठी बेस्ट कोण? हापूस, केशर की लालबाग; बाजारात तिहेरी लढत

लोकमत शेती : Mango Harvesting : आंबा अधिक काळ टिकवण्यासाठी काढणी करताना 'या' गोष्टी लक्षात ठेवा, वाचा सविस्तर

लोकमत शेती : इतिहासात प्रथमच अक्षय तृतीयेच्या आंब्याला सर्वाधिक भाव; वाचा प्रतिडझन काय मिळतोय दर?