कुकींग किचन टिप्स आणि ट्रिक्स.FOLLOW

'भेंडी' ची भाजी म्हटलं की, घरातील लहानांपासून ते मोठ्यांपर्यंत सगळेच नाकं मुरडतात. भरपूर बिया असणारी, चिकचिकीत भेंडी फारशी कुणाला आवडत नाही. काहीवेळा जेवणाच्या ताटात भेंडीची (Dahi Bhindi Recipe) भाजी बघून नको म्हणून मान डोलावली जाते. भेंडीची भाजी म्हटलं की नको पण तीच भाजी जरा हटके स्टाईलने (Dhaba Style Dahi Bhindi) तयार केली तर अगदी बोट चाटत, ताट पुसून, जिभल्या चाटत ही भाजी गट्टम केली जाते. मसाला भेंडी, भरली भेंडी, कुरकुरी भेंडी, दही भेंडी अशा वेगवेगळ्या पद्धतीने भेंडीची भाजी अनेक प्रकारे करता येऊ शकते( dahi wali bhindi recipe).हॉटेलमध्ये गेल्यावर आपण काहीवेळा थोडं वेगळं खावंसं वाटलं की, मस्त घट्ट चमचमीत ग्रेव्ही असणारी दही भेंडी ऑर्डर करतो. अशी चटपटीत भेंडी खायला अतिशय टेस्टी आणि तयार करायला फारच (How To Make Dahi Bhendi At Home) सोपी अशी असते. अनेकदा आपण रेस्टोरंन्ट स्टाईलने दही भेंडी घरच्याघरीच करून देखील पाहतो, पण काहीवेळा ती पचपचीत किंवा चिकट होते. असे होऊ नये यासाठी, रेस्टोरंन्ट स्टाईल दही भेंडी घरच्याघरीच करण्याची सोपी रेसिपी पाहूयात.साहित्य :- १. भेंडी - १/२ किलो २. दही - १ कप ३. तेल - २ ते ३ टेबलस्पून ४. जिरे - १ टेबलस्पून ५. लाल तिखट मसाला - १ टेबलस्पून ६. हळद - १ टेबलस्पून ७. आमचूर पावडर - १ टेबलस्पून ८. धणे पूड - १ टेबलस्पून ९. गरम मसाला - १ टेबलस्पून १०. बेसन - १ टेबलस्पून ११. मीठ - चवीनुसार १२. पाणी - गरजेनुसार १३. कसुरी मेथी - १ टेबलस्पून १४. धणे - १ टेबलस्पून१५. कोथिंबीर - १ टेबलस्पून (बारीक चिरलेली) क्षिती जोगला फार आवडते आजीच्या हातचे आंबट वरण! पाहा आंबट वरणाची पारंपरिक रेसिपी...चांगल्या क्वालिटीचा गूळ विकत घेण्यासाठी पंकज भदौरिया सांगतात ३ टिप्स, निवडा योग्य गूळ...कृती :- १. सगळ्यांत आधी भेंडी स्वच्छ धुवून, पुसून घ्यावी. २. त्यानंतर या भेंडीचे थोडे मोठे मध्यम आकाराचे तुकडे करून घ्यावेत. ३. एका पॅनमध्ये तेल घेऊन त्यात जिरे फोडणीला घालूंन मग त्यात चिरलेली भेंडी घालून तेलावर हलकेच परतून घ्यावी. ४ भेंडी तेलात चांगली परतून झाल्यावर त्यात लाल तिखट मसाला, हळद, आमचूर पावडर, धणे पूड, गरम मसाला असे सगळे मसाले घालून भेंडी मसाल्यात परतून व्यवस्थित कोट करून घ्यावी. पारंपरिक हुरडा थालीपीठ आवडतं, ‘असं’ हुरडा धिरडंही करुन पाहा, पोटभर-पौष्टिक खाण्याचं सुख...५. एका बाऊलमध्ये दही घेऊन त्यात बेसन घालून दही आणि बेसन एकजीव करून घ्यावे. दही आणि बेसनाचे तयार मिश्रण या भेंडीत घालून भाजी व्यवस्थित चमच्याने हलवून घ्यावी. ६. आता या भाजीत गरजेनुसार थोडे पाणी घालून घ्यावे. ७. मिक्सरच्या भांड्यात थोडे धणे आणि लाल तिखट मसाला घेऊन हे दोन्ही घटक एकत्रित वाटून त्याची जाडसर भरड करून घ्यावी. ८. आता एका छोट्या भांड्यात तेल घेऊन ते गरम करावे. या गरम तेलात मिक्सरमध्ये जाडसर भरड करून घेतलेली धणे आणि लाल तिखट मसाल्याची पूड घालावी. ही तयार फोडणी भेंडीच्या भाजीत वरुन घालावी. आता भाजी एकदा चमच्याने हलवून सगळे जिन्नस एकजीव करून घ्यावेत. हॉटेल स्टाईल दही भेंडी खाण्यासाठी तयार आहे. चपाती, फुलका किंवा पराठ्यासोबत आपण ही दही भेंडी खाण्यासाठी सर्व्ह करु शकता.

लाईव्ह न्यूज :

मिसिंग लिंक TO कनेक्टिंग लिंक

तेलासाठी जागतिक 'खेला'

मोदी Vs. दीदी... कोण जिंकणार?

CM देवेंद्र फडणवीस

IPL 2026

डोनाल्ड ट्रम्प

लोकमत ई-पेपर

शहरं

मनोरंजन

व्हिडीओ

कुकींग किचन टिप्स आणि ट्रिक्स.FOLLOW

Read more

सखी : स्वयंपाकासाठी तुम्ही भेसळीचे मसाले तर वापरत नाही ना? बघा मसाल्यांची शुद्धता कशी ओळखायची

सखी : पावसाळ्यात कुरमुरे सादळतात? ४ टिप्स; कुरमुऱ्याचा चिवडा करा मस्त कुरकुरीत

सखी : दुधी भोपळ्याची भाजी आवडत नाही? मग कुरकुरीत डोसे करा- बघा नाश्त्यासाठी चवदार रेसिपी

सखी : माधुरी दीक्षित सांगतेय तिच्या घरातली कांदाभजीची खास रेसिपी; पावसाळ्यात करा चहा-भजीचा बेत

सखी : फ्रिजमध्ये ठेवलेली कणिक काळी पडते- पोळ्या वातड होतात? २ खास ट्रिक्स- पोळ्या होतील मऊसूत

सखी : कपभर बदाम - अंजीरचे करा पौष्टीक लाडू; हाडं मजबूत - मेंदूही धावेल सुपरफास्ट

सखी : डाळ - तांदूळ भिजत न घालता डोसे करायचेत? पाहा मुरमूऱ्यांचा डोसा कसा करायचा?

सखी : डाळ भिजतही न घालता फक्त १५ मिनिटांत करा क्रिस्पी मेदूवडे, ब्रेडचे मेदूवडे करण्याची पाहा युक्ती..

सखी : रोज चपातीसोबत खायला करा लसूण - शेंगदाण्याची झणझणीत चटणी; तोंडाला येईल चव

सखी : कणीक रात्री भिजवून फ्रिजमध्ये ठेवावी का? रात्री भिजवलेल्या कणकेच्या सकाळी चपात्या केल्या तर..