लाचलुचपत प्रतिबंधक विभाग मराठी बातम्या | Anti Corruption Bureau, Latest News & Live Updates in Marathi | Marathi News (ताज्या मराठी बातम्या) at Lokmat.com

छत्रपती संभाजीनगर : सर्वसामान्यांच्या कामांसाठी होणाऱ्या लाचखोरीत यंदा घट झाल्याने आश्चर्य व्यक्त होत आहे. राज्यात १५ टक्क्यांनी यंदा कारवाईत घट झाली आहे. राज्यात पहिल्यांदा कोरोनाचे २०२० चे वर्ष वगळता दहा वर्षांमध्ये सर्वाधिक कमी ७०१ लाचखोर अडकले गेले. १३१६ कारवायांसह २०१४ हे सर्वाधिक लाचखोरीच्या कारवायांचे वर्ष ठरले होते.गलेगठ्ठ पगार, अन्य सोयीसुविधा असतानाही शासकीय अधिकारी, कर्मचारी अधिकच्या पैशांच्या हव्यासापोटी अडकले जातात. लाचलुचपत प्रतिबंधक विभागाकडून सातत्याने कारवाया होतानादेखील लाचखोरांचे प्रमाण कायम राहत आले होते. गेल्या दहा वर्षांच्या तुलनेत २०२४ मध्ये २२ डिसेंबरपर्यंत सापळे, अपसंपदा व भ्रष्टाचाराच्या सर्वाधिक कमी ७०१ कारवायांची नोंद झाली आहे. मात्र, सापळ्यात रंगेहाथ सापडूनही संबंधित विभागांकडून निलंबनाच्या कारवाईत दिरंगाई केली जात आहे. छत्रपती संभाजीनगर परिक्षेत्रात अद्यापही २७ लाचखोरांचे निलंबन बाकी असून, यात सर्वाधिक ग्रामविकास खात्याच्या कर्मचाऱ्यांची संख्या आहे.परिक्षेत्रात संभाजीनगरात अधिकजिल्हा - सापळे - २०२४ (२२ डिसेंबर अखेर)- २०२३छत्रपती संभाजीनगर - ४१ - ४६जालना - २२ - २७बीड - २२ - २६धाराशिव - २४ - २६राज्यात तिसऱ्या क्रमांकावर कायमलाचखोरीत छत्रपती संभाजीनगर परिक्षेत्र २०२४ मध्येदेखील सापळे, अपसंपदा व भ्रष्टाचाराच्या प्रकरणांत तिसऱ्या क्रमांकावर कायम आहे.परिक्षेत्र - प्रकरणनाशिक - १४७पुणे - १४३छत्रपती संभाजीनगर - ११२ठाणे - ७०अमरावती - ६८नागपूर - ६२नांदेड - ६१मुंबई - ३८कोरोनानंतर सर्वाधिक कमी २०२४ मध्येचवर्षे - एकूण गुन्हे२०१४ - १३१६२०१५ - १२७९२०१६ - १०१६२०२० - ६६३२०२३ - ८१२२०२४ - ७०१६‘महसूल’मध्ये सर्वाधिक लाचखोरलाच घेण्यात दहा वर्षांपासून महसूल विभाग सर्वोच्च स्थानी राहिला आहे. राज्यभरात या विभागाच्या १७६ सापळ्यांत ३४ लाख ४४ हजार ९८० रुपयांची लाचेची रक्कम जप्त करण्यात आली. त्या खालोखाल १३३ पोलिस , ६६ पंचायत समिती, ४० जिल्हा परिषद, ३७ कारवाया शिक्षण विभागात झाल्या.साहेबांसाठी ‘क्लास थ्री’च तोफेच्या तोंडीहजारो, लाखो रुपयांची लाच घेताना सर्वाधिक ४९९ लाचखोर हे वर्ग ३ चेच अडकले गेले. त्या खालोखाल वर्ग ४ चे ४७, वर्ग २ चे ९८ तर वर्ग १ चे म्हणजेच ६२ साहेब लाच घेताना रंगेहाथ सापडले.ऑनलाइनही करा तक्रारकुठल्याही शासकीय विभागात लाच मागून त्रास दिला जात असेल तर तुम्ही लाचलुचपत प्रतिबंधक विभागाच्या https://www.acbmaharashtra.gov.in/bribe-complaint या संकेतस्थळावर त्याची थेट तक्रार करू शकता. शिवाय, १०६४ या क्रमांकावर संपर्क साधून तुम्ही तक्रार नोंदवू शकता.

लाचलुचपत प्रतिबंधक विभागFOLLOW

Anti corruption bureau, Latest Marathi News

एसीबीची चिपळूणात मोठी कारवाई ...

यापूर्वी देखील वाळू वाहतूक करणाऱ्यांसोबत पोलिसांचे संबंध उघड झाले आहेत. ...

दरम्यान, त्याला ९ जानेवारीपर्यंत पोलिस कोठडी सुनावण्यात आली आहे. ...