Thane Marathi News | ठाणे मराठी बातम्या | Latest Thane News in Marathi | ठाणे ताज्या बातम्या | Thane Crime Marathi News | ठाणे ब्रेकिंग न्यूज़| Breaking & Live Thane News | Today's Thane News paper

पारोळ : शारीरिक वेदना, उपचारांचा कठीण प्रवास आणि अभ्यासातील खंड या सर्व संकटांवर मात करत वसई तालुक्यातल्या ग्रामीण भागातील अद्वैती कुडू हिने दहावीच्या परीक्षेत ९१.२० टक्के गुण मिळवत शाळेत प्रथम क्रमांक पटकावला. तिच्या जिद्दीच्या आणि संघर्षमय यशाच्या प्रवासाने अनेक विद्यार्थ्यांसमोर आदर्श निर्माण केला आहे.खानिवडे येथील प्रतिभा विद्यामंदिरात शिक्षण घेणाऱ्या अद्वैतीला इयत्ता पाचवीत असतानाच कर्करोगाने ग्रासले. उपचारांमुळे तिला सहावी आणि सातवीच्या नियमित शिक्षणापासून दूर राहावे लागले. मात्र, प्रतिकूल परिस्थितीतही तिने अभ्यासाची साथ सोडली नाही. उपचार सुरू असतानाच तिने शिक्षणात खंड पडू दिला नाही. नववीत असताना पुन्हा आजाराने डोके वर काढले आणि तिला संपूर्ण वर्ष अभ्यासापासून दूर राहण्याची वेळ आली. तरीदेखील अद्वैती खचली नाही. कठोर उपचारांचा सामना करत तिने अभ्यास सुरू ठेवला. एकीकडे उपचारांचा वेदनादायी प्रवास आणि दुसरीकडे मुलीच्या भवितव्यासाठी आई-वडिलांची धडपड या सर्वांमधून अद्वैतीने विलक्षण मानसिक ताकद दाखवली.९१.२० गुणांसह शाळेतून प्रथम येण्याचा मानपेशाने शिक्षक असलेल्या आई-वडिलांचे मार्गदर्शन आणि स्वतःची प्रचंड जिद्द यांच्या जोरावर तिने पुन्हा उभारी घेतली. परिस्थितीला दोष न देता हसतमुखाने संकटांचा सामना करत अद्वैतीने दहावीची बोर्ड परीक्षा देत ९१.२० टक्के गुणांसह शाळेतून प्रथम येण्याचा मान मिळवला.अद्वैतीच्या या यशामुळे वसई तालुक्यात तिच्यावर कौतुकाचा वर्षाव होत असून, तिचा संघर्षमय प्रवास इतर विद्यार्थ्यांसाठी प्रेरणादायी ठरत आहे.परिस्थिती कितीही कठीण असली, तरी जिद्द, आत्मविश्वास आणि मेहनतीच्या जोरावर यश मिळवता येते, हे अद्वैतीने दाखवून दिले असून, तिचा शैक्षणिक प्रवास हा अन्य विद्यार्थ्यांना प्रेरणा देणारा ठरणार आहे.

Thane (Marathi News)

Dombivli Youth Dies During Trek: ट्रेकिंगसाठी मित्रांसोबत आलेल्या डोंबिवलीतील २० वर्षीय रितेश कोणका या युवकाचा अचानक मृत्यू झाला. ...

स्थानिकांना प्रचंड मनस्तापाचा सामना करावा लागत आहे. ...

रुग्णालयात येणाऱ्या रुग्णाच्या आरोग्याचा प्रश्न निर्माण झाला आहे. ...