ठाण्यात राष्ट्रवादीला 'दे धक्का', जिल्हाध्यक्ष म्हात्रेंचा ई-मेलवरुन राजीनामा

म्हात्रे यांच्या राजीनाम्याने ठाणे जिल्हा ग्रामीण भागात राष्ट्रवादीची मोठी हानी होणार आहे.

ठाणे/भिवंडी - राष्ट्रवादी काँग्रेस पार्टीचे ठाणे जिल्हा ग्रामीणचे अध्यक्ष सुरेश म्हात्रे उर्फ बाळ्या मामा यांनी आपल्या जिल्हाध्यक्षपदाचा मंगळवारी राजीनामा दिला आहे. राष्ट्रवादीचे प्रदेशाध्यक्ष जयंत पाटील यांच्याकडे म्हात्रे यांनी आपला राजीनामा ईमेलद्वारे पाठवला आहे.

म्हात्रे यांच्या राजीनाम्याने ठाणे जिल्हा ग्रामीण भागात राष्ट्रवादीची मोठी हानी होणार आहे. आपण आपल्या वैयक्तिक कारणाने जिल्हाध्यक्ष पदाचा राजीनामा देत असल्याचे म्हात्रे यांनी राजीनाम्यात म्हटले आहे. मात्र, त्यांच्या राजीनाम्यामुळे राजकीय वर्तुळात चर्चा रंगली आहे. तसेच, ते आता दुसऱ्या पक्षात जातील काय, अशीही चर्चा होत आहे.