भिवंडी महापालिका महापौर पदाच्या निवडणुकीला वेगळे वळण, भाजपने उमेदवार बदलला
By ऑनलाइन लोकमत | Updated: February 18, 2026 18:14 IST2026-02-18T18:13:14+5:302026-02-18T18:14:16+5:30
भाजपने आता स्नेहा मेहुल पाटील यांची महापौर पदाची अधिकृत उमेदवार म्हणून जाहीर केले आहे अशी प्रतिक्रिया भाजप शहराध्यक्ष रविकांत सावंत यांनी दिली आहे.

भिवंडी महापालिका महापौर पदाच्या निवडणुकीला वेगळे वळण, भाजपने उमेदवार बदलला
भिवंडी: भिवंडी महापालिका महापौर पदाच्या निवडणुकीला वेगळेच वळण मिळाले असून महापौर पदाच्या निवडणुकीच्या तोंडावरच भाजपने आपला उमेदवार बदलला आहे.
भाजपने यापूर्वी नारायण चौधरी यांना भाजपचे महापौर पदाचा अधिकृत उमेदवार घोषित केले होते. नारायण चौधरी यांनी भाजप कडून महापौर पदासाठी चा आपला उमेदवारी अर्ज देखील दाखल केला आहे.मात्र महापौर पदाच्या निवडणुकीला बुधवारी वेगळेच वळण लागले असून, भाजपचे भिवंडी शहर अध्यक्ष रविकांत सावंत यांनी महापौर पदाच्या उमेदवार म्हणून स्नेहा मेहुल पाटील यांच्या नावाची घोषणा केली आहे.त्यासंदर्भातील लेखी पत्र भाजप शहराध्यक्षांनी भाजपच्या सर्व नगरसेवकांना दिले आहे.
भाजपने आता स्नेहा मेहुल पाटील यांची महापौर पदाची अधिकृत उमेदवार म्हणून जाहीर केले आहे अशी प्रतिक्रिया भाजप शहराध्यक्ष रविकांत सावंत यांनी दिली आहे.