नवी दिल्ली - स्मार्टफोन हा हल्ली सर्वांकडेच असतो. मात्र अनेकदा विविध कारणांमुळे फोन गरम होतो. या समस्येचा सामना बऱ्याचवेळा करावा लागतो. पण आता फोन गरम होत असेल तर टेन्शन घेण्याची गरज नाही. कारण लोकप्रिय स्मार्टफोन कंपनी शाओमीने एक खास पंखा आणला आहे. शाओमी नेहमीच आपल्या ग्राहकांसाठी नवनवीन गोष्टी आणत असते. यावेळी ही स्मार्टफोन थंड ठेवण्यासाठी एका नवा दमदार पंखा आणला आहे.
शाओमीने काही दिवसांपूर्वी एक्सटर्नल क्लिप-ऑन कूलिंग फॅनची घोषणा केली होती. त्यानंतर आता कंपनीने आपल्या ऑफिशल वेबसाईटवर या नव्या कूलिंग फॅनचा सेल सुरू केला आहे. या फॅनच्या मदतीने अवघ्या 2 सेकंदात फोन थंड करता येतो. शाओमीच्या या खास कूलिंग फॅनची किंमत 129 युआन (जवळपास 1300 रुपये) आहे. हा कुलिंग फॅन 67-88mm रुंदी असलेल्या स्मार्टफोनला लावता येतो. हा एक्सटर्नल फॅन स्मार्टफोनला लावला जातो आणि पॉवर सोर्सला कनेक्ट केला जातो.
कूलिंग फॅन हा फक्त 2 सेकंदात फोनचं तापमान कमी करण्यास मदत करतो. विविध कारणांसाठी जेव्हा जास्त वेळ फोनचा वापर हा केला जातो तेव्हा फोनचं तापमान वाढतं. प्रामुख्याने स्मार्टफोन गरम होतो. अशावेळी शाओमीचा हा खास फॅन अत्यंत उपयुक्त आहे. या फॅनच्या दोन्ही बाजूला एअर डक्ट्स देण्यात आले असून ते तापमान कमी करण्यासाठी मदत करतात. गेम्स खेळताना हा खास फॅन स्मार्टफोनचं तापमान हे 10 डिग्रीपर्यंत कमी करतो असा दावा शाओमीने केला आहे.
शाओमीचा हा एक्सटर्नल फॅन चीनमध्ये विक्रीसाठी उपलब्ध करण्यात आला आहे. लवकरच तो भारतातही उपलब्ध करण्यात येईल. चीनची स्मार्टफोन निर्माता कंपनी शाओमीच्या नव्या फोनबाबत ग्राहकांमध्ये नेहमीच कमालीची उत्सुकता असते. शाओमीने भारतीय बाजारात चांगलाच जम बसविला आहे. Xiaomi चे फोन भारतात सर्वाधिक विकले गेले आहेत. शाओमीने Mi Super Sale चे आयोजन केलं होतं. हा सेल 8 फेब्रुवारीपासून सुरू झाला होता. यामध्ये शाओमीने आपल्या युजर्ससाठी दमदार ऑफर्स दिल्या होत्या. या सेलमध्ये शाओमीच्या Redmi 8A सह अनेक स्मार्टफोनवर दमदार ऑफर्स देण्यात आल्या.
'या' बातम्या ही नक्की वाचा
आता Google वरून करा फोनचा रिचार्ज ; कसं ते जाणून घ्या
अवघ्या 10 सेकंदात अनलॉक करा स्मार्टफोन, फॉलो करा सोप्या स्टेप्स...
इंटरनेट असुरक्षिततेमुळे जागतिक स्तरावर वाढले हॅकिंग
WhatsApp ला हॅकिंगचा धोका; त्वरित अ‍ॅक्टिव्हेट करा 'हे' सिक्यॉरिटी फीचर्स
WhatsApp वरच्या सीक्रेट गोष्टी Gmail वर करता येतात सेव्ह, कसं ते जाणून घ्या
महत्त्वाच्या बातम्या
हनी ट्रॅप: नौदलाच्या अधिकाऱ्यांनी पाकिस्तानला गोपनिय दस्तावेज पुरविले; 11 अटकेत
आता दुसऱ्या राज्यातून अथवा शहरातून करता येणार मतदान
गेली सत्ता अन् आमदारकी, फसला भाजपा नेत्याचा डाव; अखेर सापडला 'चोरीस' गेलेला तलाव
महिलांच्या छळवणुकीच्या तक्रारींवर आता २४ तासांत कारवाई
राष्ट्रवादीच्या मंत्र्यांच्या बैठकीत ‘एल्गार’बाबत चर्चेची शक्यता