Video - अरे बापरे! ऑर्डर केला iPhone 16; बॉक्स उघडताच...; ऑनलाईन खरेदीत अजब भानगड

एका व्यक्तीने फ्लिपकार्टवरून आयफोन १६ खरेदी केला आणि बॉक्स उघडताच त्याच्या पायाखालची जमीन सरकली.

फ्लिपकार्ट बिग बिलियन डेज सेल नुकताच संपला आहे. कंपनीने अनेक सर्वोत्तम डील आणि ऑफर्स दिल्याचा दावा केला. या सेलदरम्यान अनेकांनी बंपर खरेदी केली. एका व्यक्तीने फ्लिपकार्टवरून आयफोन १६ खरेदी केला आणि बॉक्स उघडताच त्याच्या पायाखालची जमीन सरकली. बॉक्समध्ये असं काही होतं जे पाहून त्याला मोठा धक्काच बसला.

@bharaths028 नावाच्या एका अकाउंट होल्डरने X प्लॅटफॉर्मवर एक पोस्ट केली, जी सध्या सर्वांचं लक्ष वेधून घेत आहे. पोस्टमध्ये या व्यक्तीने म्हटलं की, सेल दरम्यान त्याने आयफोन १६ ऑर्डर केला. डिलिव्हरी बॉयला बॉक्स उघडण्यास सांगितल्यानंतर तो हैराण झाला. कारण बॉक्स उघडल्यानंतर आतमध्ये आयफोनऐवजी एक सॅमसंगचा स्मार्टफोन सापडला.

Ordered iPhone 16 in @Flipkart’s Big Billion Days, got a Samsung S24 instead! 😡 This feels like a straight-up scam! Why hype up massive sales if you cant even deliver what was promised? Anyone else facing this? #Flipkart#BigBillionDaysScam@flipkartsupport - fix this! pic.twitter.com/iTpTw5Cg8F

— Bharath Kumar S (@bharaths028) October 2, 2025

फ्लिपकार्टने पोस्टवर रिप्लाय दिला. फ्लिपकार्टने सर्वात आधी युजरची माफी मागितली आणि नंतर युजरला त्यांच्या ऑर्डरचे डिटेल्स पाठवण्यास सांगितलं. ही समस्या सोडवली गेली आहे की नाही याबद्दल कोणतीही माहिती समोर आलेली नाही. सोशल मीडियावर हा व्हिडीओ जोरदार व्हायरल होत आहे.

फ्लिपकार्टने बिग बिलियन डेज सेल दरम्यान आयफोनवर बंपर ऑफर्सची घोषणा केली. या सेल दरम्यान, आयफोन १६ ₹६०,००० पेक्षा कमी किमतीत लिस्टेड होता, तर गेल्या वर्षी हा हँडसेट ₹७९,९९० च्या सुरुवातीच्या किमतीत लिस्टेड होता. या सेल दरम्यान आयफोन १५ आणि आयफोन १४ देखील सवलतीच्या किमतीत विकले जात होते.