Tech: फोनमध्ये कॉल आणि डायलर सेटिंग अचानक बदलण्यामागे नेमके काय कारण? बदल शक्य आहे का?

Tech: गेल्या दोन दिवसात अनेक अँड्रॉइड धारकांच्या फोन सेटिंगमध्ये अचानक बदल झाले, ते कशामुळे झाले आणि ते बदलणे शक्य आहे का ते पाहू. 

तुमच्या फोनच्या कॉल आणि डायलर सेटिंग्ज अचानक बदलल्या आहेत का? जर हो, तर तुम्ही एकटे नाही आहात. हा बदल बहुतेक अँड्रॉइड वापरकर्त्यांच्या फोनमध्ये झाला आहे. कॉलिंग इंटरफेसमधील या बदलामागील कारण लोकांना जाणून घ्यायचे आहे. याबद्दल सोशल मीडियावर लोक वेगवेगळ्या प्रतिक्रिया देत आहेत. चला जाणून घेऊया यामागील कारण.

डायलर स्क्रीन बदलण्याचे मुख्य कारण: जर तुम्ही देखील अँड्रॉइड वापरकर्ते असाल, तर तुमच्या फोनच्या कॉल आणि डायलर सेटिंग्जमध्ये अचानक बदल झाला असण्याची शक्यता आहे. लोक कोणत्याही अपडेट किंवा अलर्टशिवाय झालेल्या या बदलाबद्दल नाराज आहेत. सोशल मीडियावर वेगवेगळ्या प्रकारच्या प्रतिक्रिया दिल्या जात आहेत. सोशल मीडियावर बरेच लोक या बदलामागील कारण विचारत आहेत. परंतु बहुतेक लोकांना त्यामागील कारण माहित नाही. 

हे कशामुळे झाले? 

... तर गुगलने त्यांच्या फोन अॅपमध्ये मटेरियल ३ एक्सप्रेसिव्ह रीडिझाइन लागू केले आहे, जे आता वापरकर्त्यांपर्यंत पोहोचू लागले आहे. हे नवीन डिझाइन युजर्सच्या सोयीसाठी तयार केले आहे. यामध्ये सर्वात मोठा बदल अॅपच्या नेव्हिगेशन शैलीमध्ये दिसून येतो. 

नक्की काय बदल झाले ते पाहू 

नवीन बदलांनंतर, अॅपमध्ये आता तीन टॅब आहेत. होम टॅबवर तुमची कॉल हिस्ट्री दिसेल आणि तुमचे महत्त्वाचे संपर्क क्रमांक वरच्या बाजूला असलेल्या बार/कॅरोसेलमध्ये दिसणार आहेत. यामुळे अडीअडचणीला महत्त्वाचे क्रमांक चटकन नजरेस पडतील. 

कीपॅड विभाग बदलला

पूर्वी फ्लोटिंग अॅक्शन बटणाद्वारे कीपॅड उघडत असे, परंतु आता तो अॅपचा एक वेगळा टॅब बनला आहे. नंबर पॅड आता गोलाकार कडा असलेल्या डिझाइनमध्ये दिसतो, ज्यामुळे बटणं अधिक ठळकपणे दिसतात. त्याच बरोबर संपर्क क्रमांकावर व्हॉइस आणि व्हिडीओ कॉल असे दोन्ही ऑप्शन एकत्र दाखवले जात आहेत. 

गुगलने आता संपर्क विभाग नवीन नेव्हिगेशन ड्रॉवरमध्ये आणला आहे. तो अॅपच्या शोध फील्डद्वारे अॅक्सेस करता येतो. संपर्कांव्यतिरिक्त, सेटिंग्ज, क्लिअर कॉल हिस्ट्री आणि मदत आणि अभिप्राय या ड्रॉवरमध्ये पर्यायी आहेत. यासह, इनकमिंग कॉल स्क्रीन देखील पुन्हा डिझाइन करण्यात आली आहे. कॉल करण्यासाठी किंवा घेण्यासाठी स्वाईपचा पर्याय मिळाला आहे. तुम्ही ते सेटिंग्ज इनकमिंग कॉल जेश्चर मधून सेट करू शकता.

इन-कॉल इंटरफेसमध्ये देखील बदल

इन-कॉल इंटरफेसमध्ये देखील मोठा बदल दिसून येत आहे. आता कॉल दरम्यान वापरले जाणारे बटणे पिल-आकारात दिसतात आणि जेव्हा तुम्ही ते निवडता तेव्हा ते गोलाकार आयताकृतीमध्ये बदलतात. सर्वात महत्वाची गोष्ट म्हणजे एंड कॉल बटण पूर्वीपेक्षा मोठे केले गेले आहे, ज्यामुळे कॉल डिस्कनेक्ट करणे सोपे झाले आहे.

तुम्ही हे फीचर बदलू शकता

जर तुम्हाला हे फीचर आवडत नसेल तर काळजी करण्याची गरज नाही. तुम्ही काही बदल करून हे फीचर काढून टाकू शकता. वनप्लसने स्मार्टफोन वापरकर्त्यांना कॉलिंग इंटरफेसमधील बदल काढून टाकण्याचा मार्ग सांगितला आहे. वनप्लसच्या मते, हे फीचर काढून टाकण्यासाठी, तुम्हाला तुमच्या कॉलिंग अॅपवर काही वेळ टॅप करावे लागेल, त्यानंतर तुमच्या फोनवर अॅप इन्फोचा पर्याय दिसू लागेल. आता तुम्ही ते उघडून अपडेट अनइंस्टॉल करू शकता. असे केल्याने, हे नवीन फीचर तुमच्या फोनमधून काढून टाकता येईल. तसेच इतर अँड्रॉइड धारकांनी फोन सेटिंगमध्ये अँप मॅनेजमेंटमध्ये जाऊन फोन अँप उघडायचे आहे आणि उजव्या बाजूला कोपऱ्यातल्या तीन डॉट वर क्लिक करून अनइंस्ट्रॉल अपडेट्स करावे. तुमचा फोन पूर्ववत होईल.