जगात सर्वाधिक विकला गेलेला स्मार्टफोन कोणता म्हणून जर तुम्हाला कोणी विचारले तर तुम्ही कोणत्या कंपनीचे किंवा फोनचे नाव घ्याल? सॅमसंग, वनप्लस, व्हिवो, अॅपल... सर्वाधिक स्मार्टफोनसॅमसंगचे विकले जातात. परंतू, सर्वाधिक विकला जाणारा स्मार्टफोन हा आयफोन १६ ठरला आहे.
काउंटरपॉइंट रिसर्चच्या जगभरात सर्वाधिक विकल्या जाणाऱ्या पहिल्या १० स्मार्टफोनच्या यादीत पाच फोन हे अॅपलचे आहेत. यामध्ये सर्वात पहिला नंबर हा iPhone 16 चा आहे. आयफोन सध्या टेरिफ वॉरमुळे कचाट्याच सापडला आहे. तरीही आयफोन अजूनही पहिल्या तिमाहीत सर्वाधिक विक्री होणारा फोन ठरला आहे.
या पाचमध्ये iPhone 16 Pro Max, 16 Pro आणि iPhone 15 चा नंबर लागत आहे. आता आयफोन महाग आहेत, हे खरेच आहे. परंतू, तरीही लोक या महागड्या आयफोनच्या मागे हात धुवून पडले आहेत. चीनमध्ये तिसऱ्या तिमाहीत देखील अॅपलच्या एकूण आयफोन विक्रीपैकी जवळजवळ निम्म्या आयफोन विक्रीचा वाटा प्रो मॉडेल्सचा आहे. आयफोन १६ई ने देखील मार्चमध्ये मोठी विक्री नोंदविली आहे, तो या तिमाहीच्या मध्यावर लाँच झाल्याने या यादीत येऊ शकल नाही, परंतू काउंटरपॉइंटने तो अॅपलला मोठी विक्री करून देऊ शकतो, असे म्हटले आहे.
या यादीत सॅमसंगचेही चार फोन आहेत. परंतू ते पाचव्या क्रमांकानंतर येत आहेत. गॅलेक्सी A16 5G पाचवा, गॅलेक्सी A06 सहा, फ्लॅगशिप S25 अल्ट्रा सात आणि मिडरेंज गॅलेक्सी A55 5G नवव्या क्रमांकावर आहेत. २०२४ मध्ये पण पहिल्या चारमध्ये आयफोनच होते. २०२५ च्या पहिल्या तिमाहीच्या यादीत फक्त रेडमीच्या १४ सी ची एन्ट्री झाली आहे, जो आठव्या क्रमांकावर आहे. खरेतर हा फोरजी फोन आहे, परंतू तरीही त्याला एवढी मागणी ही केवळ मध्य पूर्व, आफ्रिका आणि लॅटिन अमेरिका सारख्या नव्याने उदयास येणाऱ्या बाजारपेठांमध्येच मोठी मागणी आहे.