Airtel ची मोठी घोषणा; 'या' युजर्सना मिळणार अनलिमिटेड इंटरनेट, जाणून घ्या संपूर्ण माहिती...

देशातील सर्व सर्कलमध्ये ही ऑफर लागू!

देशातील दुसऱ्या क्रमांकाची टेलिकॉम कंपनी Airtel ने आपल्या सर्व पोस्टपेड प्लान्ससाठी अनलिमिटेड डेटाची घोषणा केली आहे. यापूर्वी ही सुविधा काही निवडक सर्कलपुरती मर्यादित होती, मात्र आता संपूर्ण देशातील सर्व सर्कलमध्ये ही ऑफर लागू करण्यात आल्याची माहिती टेलिकॉम टॉकच्या अहवालात देण्यात आली आहे. यानुसार, ग्राहक कोणत्याही सर्कलमध्ये आणि कोणताही पोस्टपेड प्लान वापरत असले, तरी त्यांना अनलिमिटेड डेटा सुविधा मिळणार आहे.

'लोकमत महाराष्ट्रीयन ऑफ द इयर' कोण?... क्लिक करून आपलं मत नोंदवा!

पोस्टपेडकडे ग्राहक वळवण्याचा प्रयत्न

एअरटेलचा ARPU (Average Revenue Per User) वाढवण्यावर भर असून, त्यासाठी कंपनी प्रीपेड ग्राहकांना पोस्टपेडकडे आकर्षित करण्यासाठी विविध ऑफर्स देत आहे. अनलिमिटेड डेटा ही त्याच धोरणाचा एक भाग मानली जात आहे.

अनलिमिटेड डेटावर कॅप लागू

जरी कंपनीने अनलिमिटेड डेटाची घोषणा केली असली, तरी 30 दिवसांसाठी 300GB डेटा कॅप लागू करण्यात आला आहे. म्हणजेच, महिन्याला 300GB पर्यंत डेटा वापर करता येणार आहे.

₹449 पासून पोस्टपेड प्लान्सची सुरुवात

एअरटेलचे पोस्टपेड प्लान्स ₹449 पासून सुरू होतात. या रकमेवर 18% GST वेगळा आकारला जातो.

₹449 पोस्टपेड प्लानचे फायदे

वैधता: 1 महिना

डेटा: 50GB (अनलिमिटेड ऑफर अंतर्गत 300GB कॅप)

कॉलिंग: अनलिमिटेड

SMS: दररोज 100

अतिरिक्त बेनिफिट्स

Google One अंतर्गत 100GB क्लाउड स्टोरेज

JioHotstar Mobile - 3 महिन्यांचे सब्सक्रिप्शन

Adobe Premium - 1 वर्षासाठी

Airtel Xstream Play चे एक्सेस

फॅमिली पोस्टपेड प्लान ₹699 पासून

एअरटेलचा फॅमिली पोस्टपेड प्लान ₹699 पासून सुरू होतो (यावरही 18% GST लागू).

₹699 फॅमिली प्लानची वैशिष्ट्ये

दोन सिम कार्ड्स अ‍ॅक्टिव्ह ठेवता येतात

मूळ प्लानमध्ये 105GB डेटा

नव्या घोषणेनुसार अनलिमिटेड डेटा (300GB कॅपसह)

अनलिमिटेड कॉलिंग

दररोज SMS सुविधा

विविध OTT आणि डिजिटल बेनिफिट्स

ग्राहकांसाठी काय बदलणार?

या निर्णयामुळे पोस्टपेड ग्राहकांना अधिक डेटा वापरण्याची मोकळीक, OTT आणि डिजिटल सेवांचा अतिरिक्त फायदा आणि प्रीपेडपेक्षा अधिक मूल्यवान प्लान्स मिळण्याची शक्यता आहे. टेलिकॉम क्षेत्रातील स्पर्धा लक्षात घेता, येत्या काळात इतर कंपन्यांकडूनही अशाच प्रकारच्या ऑफर्स येण्याची शक्यता व्यक्त केली जात आहे.

झेडस्केलरसोबत एआय सेंटरची सुरुवात

क्लाउड सिक्युरिटी क्षेत्रातील आघाडीची कंपनी 'झेडस्केलर' आणि भारतातील सर्वात मोठ्या दूरसंचार सेवा पुरवणाऱ्यांपैकी एक असलेल्या 'भारती एअरटेल'नं एकत्रितपणे भारतात 'एआय आणि सायबर थ्रेट रिसर्च सेंटर' सुरू करण्याची घोषणा केली आहे. हा डिजिटल उपक्रम देशाची सायबर रेझिलिएन्स बळकट करण्यासाठी समर्पित आहे. या उपक्रमाचा मुख्य उद्देश भारताच्या आर्थिक आणि राष्ट्रीय सुरक्षेसाठी अत्यंत महत्त्वाच्या असलेल्या दूरसंचार, बँकिंग आणि ऊर्जा यांसारख्या क्षेत्रांचं, उद्योगांचं आणि मालमत्तांचं संरक्षण करणं हा आहे. त्याचबरोबर, डिजिटल युजर्सचं रक्षण करणं आणि भारताच्या वेगानं विस्तारणाऱ्या डिजिटल परिसंस्थेमध्ये विश्वसनीय 'एआय'च्या वापराला गती देणं हे देखील या केंद्राचे उद्दिष्ट आहे.