धक्कादायक; दिरासोबतच्या संबंधांमध्ये आड येणाऱ्या आईचा मुलीनेच केला खून

घरासमोरील चपलांमुळे पोलिसांनी केले आरोपींना अटक; मुलीने हात पकडले तर दिराने आवळला गळा

ठळक मुद्देखून करण्यासाठी अनिता आणि शिवानंद हे दुचाकीवरून आल्याची माहिती पोलिसांना मिळालीआरोपींचा शोध घेण्यासाठी विजापूर नाक्याचे पोलीस रात्रीच कर्नाटकातील तोरवी गावाला गेलेघरासमोर सोडलेल्या चपलांवरून आरोपींना पकडले, अशी माहिती पोलीस सूत्रांनी दिली

 सोलापूर : आपल्या दिरासोबत असलेल्या संबंधांमध्ये आड येणाऱ्या आपल्या आईलाच मुलगी अनिता महादेव जाधव हिने दिराला हाताशी धरून गळा आवळून खून केल्याचे पोलीस तपासात निष्पन्न झाले आहे. विजापूर नाका पोलिसांनी दोघांना अटक केली आहे. लक्ष्मीबाई माने यांचा खून रविवारी उघडकीस आला होता.

पोलिसांनी दिलेली माहिती अशी की, मयत लक्ष्मीबाईचे जावयासोबत अनैतिक संबंध होते. यामुळे चिडून मुलीने आपल्या दिरासोबत संबंध ठेवले. यामुळे आई लक्ष्मीबाई आणि मुलगी अनिता यांचे भांडण होत होते. दरम्यान, आई आपल्यावर भानामती करत असल्याचा संशयही अनिताला येत होता. यामुळे आपल्या आईचा काटा काढण्यासाठी तिने कट रचला. ७ नोव्हेंबरला कर्नाटकातील विजापूरजवळील तोरवी येथून ती आईकडे आली. तिने आपल्या आईचा मोबाईल बंद केेला. त्यानंतर आईचे हात पकडले. आईचा आवाज येऊ नये म्हणून तिच्या तोंडात टॉवेल कोंबला. दीर शिवानंद याने लक्ष्मीबाईचा गळा आवळला. त्यानंतर ते दोघे तेथून पळून गेले. हे पोलीस तपासात उघड झाले.

ही कामगिरी पोलीस निरीक्षक उदयसिंह पाटील, सपोनि शीतलकुमार कोल्हाळ, डीबी पथकाचे राजकुमार तोळणुरे, शावरसिद्ध नरोटे, श्रीरंग खांडेकर, सचिन सुरवसे, आयाज बागलकोटे, प्रकाश निकम, बटाणे, विशाल बोराडे आदींनी केली

चपलांवरून पकडले चोर

खून करण्यासाठी अनिता आणि शिवानंद हे दुचाकीवरून आल्याची माहिती पोलिसांना मिळाली. यामुळे आरोपींचा शोध घेण्यासाठी विजापूर नाक्याचे पोलीस रात्रीच कर्नाटकातील तोरवी गावाला गेले. तेथे आरोपींना पकडण्यासाठी साठ ते सत्तर दुचाकी वाहने पाहिली. शेवटी त्यांना एका पत्र्याच्या शेडमध्ये एक दुचाकी आढळली. त्या गाडीच्या नंबरवरून आरोपीच्या घराचा शोध लावला; पण घर तेच आहे का नाही, हे पाहण्यासाठी घरासमोर सोडलेल्या चपलांवरून आरोपींना पकडले, अशी माहिती पोलीस सूत्रांनी दिली़