संचालकांसह अधिकाऱ्यांवर ठपका

छावणीमधील गैरव्यवहार; ‘दामाजी’च्या संचालकांकडून २ टक्के व्याजदराने पैसे वसुलीचे आदेश

मंगळवेढा : मंगळवेढ्याच्या संत दामाजी साखर कारखान्यामार्फत चालविलेल्या चारा छावणीमधील आर्थिक गैरव्यवहाराच्या चौकशीचा अहवाल उपजिल्हाधिकाऱ्यांनी विभागीय आयुक्त व साखर आयुक्तांकडे सादर केला. यातील गैरव्यवहाराची रक्कम दरमहा दोन टक्के व्याजदराने कारखान्याकडून वसूल करण्याचे आदेश त्यांनी दिले आहेत.याबरोबरच तत्कालीन प्रांताधिकारी, तहसीलदार, नायब तहसीलदार, अव्वल कारकुनांवर कर्तव्यात कसूर केल्याचा ठपका ठेवण्यात आला असून, संचालकांना दोषी धरण्यात आले आहे.शेतकरी संघटनेचे जिल्हाध्यक्ष सिद्धेश्वर हेंबाडे यांनी दामाजी कारखान्यावरील चारा छावणीमध्ये आर्थिक घोटाळा झाल्याबाबत ३१ मे २०१३ व १९ जून २०१३ रोजी विभागीय आयुक्त प्रभाकर देशमुख यांच्याकडे तक्रार केली होती. या तक्रारीवरून विभागीय आयुक्तांनी जिल्हा पुरवठा अधिकारी रमेश चव्हाण यांची चौकशी अधिकारी म्हणून नेमणूक केली होती. यामध्ये तक्रारदार सिद्धेश्वर हेंबाडे यांचे म्हणणे व कागदोपत्री पुराव्यांबरोबरच ११ मुद्द्यातील १० मुद्द्यांमध्ये सत्य असल्याचे आढळून आले. रमेश तांबे या १६ वर्षांपूर्वी मयत झालेल्या माणसाच्या नावे बोगस व्हाऊचर तयार करून खर्ची टाकलेल्या रकमेची दरमहा २ टक्के व्याजदराने वसुली करण्याचे मंगळवेढा प्रांताधिकाऱ्यांना आदेश दिले आहेत. याबरोबरच बोगस व्हाऊचरच्या ३ लाख २७ हजारांच्या रकमेचीही वसुली करण्याचे आदेश दिले आहेत. कडबा कटर व जनरेटर मोहन दगडू सुरवसे यांना दिला नसतानाही त्यांच्या नावे २१ मे २०१३ रोजी १ लाख ५० हजार अदा करून उचलल्याचे सिद्ध झाले असून, त्यांच्याही वसुलीचे आदेश दिले आहेत. चारा वाटपातील तफावत व अनियमितत ेबाबत प्रादेशिक उपसंचालक साठे यांच्या अहवालात कारखान्याने चारा पुरविण्यासाठी ६४ हजार ७९६ मेट्रिक टन चारा खरेदी केला असून, शासनाच्या मागणीनुसार ६१ हजार ७७१ टन चारा पुरवठा केला असून, तेवढेच बिल मिळाले आहे. ३ हजार २५ मे. टन चारा जास्तीचा कारखान्याचे संचालक मंडळ ३१ आॅगस्ट २0१३ रोजी ठरावात चारा वाटपात आलेल्या त्रुटीची चौकशी करून संबंधितांवर जबाबदारी निश्चित करण्याचे ठरले असून, त्याची प्रत सादर केली आहे. या ठरावावर सह्या करणारे संचालक या घोटाळ्यात अडकण्याची शक्यता आहे. शेण विक्रीतून १४ लाख ८० हजारांपेक्षा जास्त रक्कम मिळणे आवश्यक असताना कारखान्याने केवळ १ लाख १७ हजार रुपये वसूल केल्याच्या तक्रारीवर प्रादेशिक संचालक साठे यांच्या अहवालात ती १४ लाख ८० हजार रुपयांपेक्षा जास्त रक्कम शेण विक्रीतून मिळणे आवश्यक असे कळविले असल्याने १३ लाख ६३ हजार कार्यकारी संचालक व संचालक मंडळाकडून वसूल करावे, असा अहवाल साखर आयुक्तांना सादर केला आहे. ----------------------------या अधिकाऱ्यावर ठपकातत्कालीन प्रांताधिकारी बाबासाहेब बेलदार, तहसीलदार गोविंद सांगडे, नायब तहसीलदार व्ही. टी. जमादार, अव्वल कारकून एस. टी. कोळेकर यांच्यावर कर्तव्यात कसूर केल्याचा ठपका ठेवण्यात आला आहे. ------------------खुलासा मागविला नाहीकारखान्याने तहसील कार्यालयाकडे सादर केलेल्या रेकॉर्डमध्ये आढळून आलेल्या त्रुटीमध्ये कारखान्याला नोटीस काढून खुलासाही महसूल अधिकाऱ्यांनी मागविला नाही. यामुळे आता संचालकांसह अधिकाऱ्यांवर याचा ठपका पडला आहे.