{{#config.logo.enabled}}
{{/allowed}}शिवाजी सुरवसे￭ सोलापूर
अनेक कारणांनी गाजलेले जिल्हाधिकारी कार्यालयातील सेतू कार्यालय नागरिकांच्या सोईसाठी आहे की गैरसोईसाठी असा प्रश्न प्रत्येकाला पडत आहे. ओबीसी, एससी, एसटीचे तब्बल अडीच हजारांहून अधिक दाखले प्रलंबित आहेत. कोणतेही दाखले वेळेत मिळत नाहीत, त्यामुळे शासनाचा सेतू चालविण्याचा 'हेतू' असफल झाल्याचे दिसून येते.
प्रतिज्ञापत्र, शिधापत्रिका, जातीचे दाखले, उत्पन्नाचे दाखले, नान क्रिमीलिअरचे दाखले, शिधापत्रिका आदी अनेक कारणांसाठी नागरिकांना सेतू कार्यालयाकडे यावे लागते. विविध कार्यालयांकडे न जाता नागरिकांना एकाच ठिकाणी सर्व दाखले मिळावेत हा सेतू चालविण्याचा हेतू होता मात्र सध्या तरी याकडे दुर्लक्ष झाल्याचे दिसते. त्यामुळे सेतू कार्यालयात आणि बाहेर मंगळवार बाजार भरल्याचे दिसते. नियोजन नाही, अनेक अधिकार्यांकडे विविध पदभार यामुळे सेतू कामकाजाकडे वेळ द्यायला कोणालाही वेळ नाही. ओबीसींचे तब्बल दोन हजार दाखले प्रलंबित आहेत. एससी, एसटीचे ५00 दाखले प्रलंबित आहेत, त्यामुळे नागरिक वैतागले आहेत. गेल्या १५ दिवसांपासून सेतूमध्ये तोबा गर्दी आहे, मात्र याचे नियोजन केले जात नाही. सेतूमध्ये विविध प्रकारची दररोज सुमारे एक हजार प्रकरणे दाखल होतात मात्र ठरल्यावेळेत या प्रकरणांचा निपटारा होत नाही. सेतू कार्यालय नव्हते त्यावेळी नागरिकांची वेळेवर, विनाकटकट समस्या सुटत होत होती, त्यामुळे आता सेतूचा हेतू सफल झाला नाही असे दिसते. दक्षिण सोलापूर, उत्तर सोलापूर आणि सोलापूर शहरातील विविध नागरिकांच्या सुविधांसाठी असलेल्या या सेतूकडे जिल्हा प्रशासनाने लक्ष देण्याची मागणी होत आहे.
गतवर्षीच्या तुलनेत यंदा गर्दी कमी आहे. सेतूमध्ये ६२ लोक कार्यरत असून त्यामध्ये ३५ ऑपरेटर आहेत. दररोज एक हजारापेक्षा अधिक प्रकरणे सादर होतात. शाळा, कॉलेजमध्ये प्रवेश प्रक्रिया असल्यामुळे सध्या गर्दी जास्त आहे.
- रणजितसिंह ठाकूर,सेतूचालक ठेकेदार