नीरा नदीच्या कालव्यात कार पडली, तिघांचा दुदैवी मृत्यू, नातेपुते गावाजवळील घटना

Solapur Accident News: माळशिरस तालुक्यातील नातेपुते येथील नीरा नदीच्या कालव्यात कार कोसळली. या झालेल्या अपघातात तिघांचा मृत्यू झाला असून एक जण जखमी झाल्याचे पोलिसांनी सांगितले. शुक्रवारी सकाळच्या सुमारास हा अपघात झाला आहे.

- आप्पासाहेब पाटील
सोलापूर -  माळशिरस तालुक्यातील नातेपुते येथील नीरा नदीच्या कालव्यात कार कोसळली. या झालेल्या अपघातात तिघांचा मृत्यू झाला असून एक जण जखमी झाल्याचे पोलिसांनी सांगितले. शुक्रवारी सकाळच्या सुमारास हा अपघात झाला आहे.

याबाबत पोलिसांनी सांगितले की, मुंबईहून नातेपुतेकडे येत असताना भरधाव वेगातील कार आळंदी - पंढरपूर मार्गावरील निरा उजव्या कालव्याजवळ सेरेपूल नजीक निरा उजव्या कालव्यात कोसळली. या घटनेत सासू-सासरे व पत्नीचा मृत्यू झाला असून जावाई गंभीर जखमी झाला आहे. या घटनेची माहिती मिळताच पोलिस घटनास्थळी दाखल झाले असून कालव्यातील पाण्यातून कार बाहेर काढण्याचे प्रयत्न सुरू आहेत. यासाठी क्रेन व जेसीबीची मदत घेतली जात आहे.