'माझ्या प्रियकराला भैय्या म्हणायचीस, आता बाबू बोलतेस'; दोन तरुणींचा रस्त्यातच राडा, केस ओढून मारहाण; व्हिडीओ व्हायरल

Viral Video : कानपूरमध्ये, दोन मुलींमध्ये एका मुलावरून जोरदार वाद झाला. तो मुलगा एका मुलीचा प्रियकर होता आणि दुसरी मुलगी, जी त्याला "भैया" म्हणत होती, आता त्याला "बाबू" म्हणू लागली. याचा त्या तरुणीला आला. या रागातून तिने दुसऱ्या तरुणीला मारहाण केली.

Viral Video :  सोशल मीडियावर कालपासून एक व्हिडीओ व्हायरल झाला आहे. यामध्ये एक तरुणी दुसऱ्या तरुणीला मारहाण करत असल्याचे दिसत आहे. यामध्ये ती तरुणी "तू आधी माझ्या बॉयफ्रेंडला भैया म्हणायचीस, आता त्याला बाबू का म्हणतेस ते सांग..." असं म्हणत मारहाण करत आह. हा व्हिडीओ  कानपूरमधील आहे.  व्हायरल व्हिडिओमध्ये ती कधी तिचे केस धरून ओढते, तर कधी तिला थप्पड आणि लाथ मारते हे स्पष्टपणे दिसत आहे. मारहाण होणारी मुलगी मदतीसाठी ओरडत असल्याचे दिसत आहे. यादरम्यान, ती अनेक वेळा रागाने ओरडते, "तू माझ्या बॉयफ्रेंडला बाबू का म्हणाली?"

'इंडिया आघाडी' तुटणार? बिहारमधील पराभवानंतर, काँग्रेसवर एकट्याने निवडणूक लढण्याचा वाढला दबाव

कानपूरमधील यशोदा नगर बायपासवर ही हाणामारी झाल्याची माहिती समोर आली आहे. व्हिडिओमध्ये दिसणारी प्रभावी मुलगी बारा परिसरातील असल्याचे सांगितले जात आहे. सुमारे एक मिनिटांच्या व्हिडिओमध्ये, ती महिला किमान ११ वेळा थप्पड मारते, दोनदा लाथ मारते आणि दुसऱ्या मुलीला तिचे केस धरून रस्त्यावर ओढते. जवळचे लोक पाहत राहतात, कोणीही त्यांच्या मध्ये येऊन वाद थांबवत नाही.

व्हायरल व्हिडीओ पोलिसांपर्यंत पोहोचला

सोशल मीडियावर व्हायरल झालेला व्हिडीओ पोलिसांपर्यंत पोहोचला आहे. व्हिडिओमधील मुली कोण आहेत आणि त्या सध्या कुठे आहेत हे अद्याप स्पष्ट झालेले नाही. पोलिस अधिकाऱ्यांच्या माहितीनुसार, दोन्हींकडून कोणतीही औपचारिक तक्रार दाखल केलेली नाही. लेखी तक्रार मिळाल्यास कायद्यानुसार त्यावर कारवाई केली जाईल. व्हिडिओची तारीख आणि घटना कोणत्या परिस्थितीत घडली याचीही पोलिस चौकशी करत आहेत. 

यूपी - कानपुर में एक ब्वायफ्रेंड को लेकर दो लड़कियों की सड़क पर उठा-पटक देखिए।
बाल खींचे, थप्पड़-लात-घूसे तक चले।

पब्लिक मौज लेती रही, वीडियो बनाती रही। घटना यशोदा नगर बाईपास की है, वीडियो अब वायरल है। pic.twitter.com/UrWw62GGzq

— Hari Narayan Tiwari (@HariNarayan151) December 29, 2025