Video : नजरेनं घात केला; त्यानं तिच्याकडे पाहिलं अन् 'हिनं' लॅपटॉपच डोक्यात घातला!

विमानात घडणाऱ्या वेगवेगळ्या विचित्र घटना आपण नेहमीच वाचत असतो. अशीच एक विचित्र आणि धक्कादायक घटना सध्या सोशल मीडियात चर्चेचा विषय ठरत आहे. अमेरिकन एअरलाइन्समध्ये एका महिलेने तिच्या बॉयफ्रेन्डच्या डोक्यात लॅपटॉप मारला. कारण तो दुसऱ्या महिलेकडे बघत होता.

या संपूर्ण घटनेचा व्हिडीओ सोशल मीडियात शेअर करण्यात आला असून व्हिडीओ व्हायरल झाला आहे. यात महिला तिच्या बॉयफ्रेन्डवर ओरडताना दिसत आहे. इतकेच नाही तर महिलेचा बॉयफ्रेन्ड जागेवरून उठून गेल्यावर ती त्याच्या मागे गेली. अचानक झालेल्या या गोंधळामुळे विमानातील इतर प्रवाशांना चांगलाच धक्का बसला. हे विमान मायामीहून लॉस एंजेलिसला जात होतं. 

महिला आणि तिचा बॉयफ्रेन्ड आजूबाजूला बसले होते. अशात महिलेची आणि तिच्या बॉयफ्रेन्डची बाचाबाची सुरू झाली. पण ही बाचाबाची इतकी वाढली की, तिने त्याच्या डोक्यात तिच्याकडील लॅपटॉप मारला. अशात फ्लाइट अटेंडंटने दोघांना शांत राहण्याची विनंती केली. पण महिला काही ऐकायला तयार नव्हती. ती तिची बॅग घेऊन विमानाच्या समोरच्या भागात गेली.

नंतर पायलटने महिलेला तिने घातलेल्या गोंधळासाठी फाइन लागेल असंही सांगितलं. त्यावर तिने फारसं लक्ष दिलं नाही. त्यांचा हा व्हिडीओ ३० हजार वेळा रिट्विट करण्यात आला आहे. महिलेला नंतर अटक करण्यात आली.