Viral Video: वा क्या कारीगरी है; विजेच्या खांबातून रस्ता, बंगळुरूतील व्हिडीओ व्हायरल, तुम्ही बघितला का?

Viral Video news : हा व्हिडीओ बघून या रस्त्यावरून ये-जा करणे खरंच सुरक्षित आहे का? असा प्रश्न तुम्हाला पडू शकतो. वीजेचा टॉवर आहे आणि त्यातूनच वाहने या करताहेत. हा रस्ता आहे बंगळुरूतील. 

Viral Videos Today: एका व्यक्तीने मध्य प्रदेशातील रस्त्याचा व्हिडीओ पोस्ट केला. महापालिकेच्या अभियंत्यांच्या बुद्धीची टिंगल उडवणाऱ्या या व्हिडीओला उत्तर देताना एका व्यक्तीने बंगळुरूतील रस्त्याचा व्हिडीओ दाखवला. बंगळुरूतील मास्टरपीस म्हणत त्याने व्हिडीओ पोस्ट केला; हा व्हिडीओ बघून बघणाऱ्यांनाही प्रश्न पडेल की, या रस्त्यावरून जाणे खरंच सुरक्षित आहे का?

'लोकमत'चं WhatsApp चॅनल फॉलो करा!

पुनीत नावाच्या व्यक्तीने हा व्हिडीओ पोस्ट केला आहे. एका यूजरने मध्य प्रदेशातील रस्त्याचा व्हिडीओ पोस्ट केला होता, त्यावर व्यक्त होताना पुनीतने रस्त्याचा हा नमुना दाखवला. 

झालं असं की मध्य प्रदेशातील सतना नगरपालिकेकडून सिमेंटचा रस्ता बनवण्यात आला. पण, काम करताना रस्त्याच्या मध्ये असलेला विजेचा खांब आणि रोहित्र हटवण्यातच आले नाही. मध्य प्रदेशातील भ्रष्टाचार आणि नगर नियोजन कुठल्या थराला गेलंय, पण कुणीही याबद्दल बोलत नाही, असे त्या यूजरने म्हटले. 

बंगळुरूतील रस्त्याचा व्हिडीओ 

त्यावर पुनीत नावाच्या व्यक्तीने बंगळुरूतील एका रस्त्याचा व्हिडीओ शेअर केला. हा रस्ता आहे बंगळुरूतील हेब्बर परिसरातील. रस्त्याच्या अगदी मधोमध हा उच्च दाब वाहिनीचा खांब आहे. धोकादायक म्हणजे या खांबाच्या मधून वाहने येत-जात असतात.

बंगळुरूतील मास्टरपीस

हा व्हिडीओ शेअर करताना यूजर म्हणाला की, मला तुम्हाला बंगळुरूतील मास्टरपीस दाखवायचा आहे. हा व्हिडीओ बघून लोकांनी कमेंट्स करत मिश्कील भाषेत कामाचे वाभाडेच काढले आहे. 

एका यूजरने म्हटले आहे की, आधी खंबा आला की, रस्ता. याला जबाबदार कोण आहे, शोधलं पाहिजे. 

दुसऱ्या एका व्यक्तीने म्हटले आहे की, बंगळुरूतील आयफेल टॉवर आहे. तर आणखी एका यूजरने म्हटले, याचे उत्तर आहे भ्रष्टाचार.