Video: मुंबई लोकलमध्ये हा काय प्रकार? बुरखा घालून महिलांच्या डब्ब्यात चढला, राडा झाला

मुंबई लोकलमध्ये दररोज कुठल्या ना कुठल्या घटना घडत असतात. पण, एक व्हिडीओ समोर आला आहे, ज्यात एक पुरुष बुरखा घालून महिलांच्या डब्ब्यात घुसला. काही महिलांच्या नजरेस ही बाब आली. त्यानंतर तो उडी मारून फरार झाला. 

Mumbai Local Train Viral Video: मुंबई लोकलरेल्वेमध्ये एक धक्कादायक प्रकार घडला. एक पुरुष बुरखा घालून महिलांच्या डब्ब्यात शिरला. तो महिलांना स्पर्श करू लागला. ही बाब काही महिलांच्या नजरेस पडली. त्यांनी लगेच त्याला पकडले आणि जाब विचारला. सगळ्या महिलांनी घेरल्यानंतर तो रेल्वेतून उडी मारून फरार झाला. 

सोशल मीडियाववर या घटनेचा व्हिडीओ व्हायरल झाला आहे. मुंबईतील घाटकोपर रेल्वे स्थानकावर हा माणूस बुरखा घालून महिलांच्या डब्ब्यात चढला होता. महिलांना तो स्पर्श करू लागला. बुरखा घातलेली महिला नसून, पुरुष असल्याची बाब काही महिलांच्या निदर्शनास आली. त्यांनी त्याला पकडले आणि जाब विचारला.

रेल्वेतूनच मारली उडी

महिलांच्या डब्ब्यात बुरखा घालून घुसलेल्या या माणसाला महिलांनी जाब विचारला. सगळ्या महिला त्याच्याजवळ आल्यानंतर त्याने घाईतच रेल्वेतून उडी मारली.

या प्रकरणी महिलांनी रेल्वे पोलिसांकडे तक्रार नोंदवली. कुर्ला आणि घाटकोपर रेल्वे पोलिसांनी या व्यक्तीविरोधात रेल्वे कायद्यातील कलम १६२ नुसार गुन्हा दाखल केला आहे. पोलीस सध्या त्याचा शोध घेत आहेत. 

अंबिवली रेल्वे स्थानकावर काही दिवसांपासून साखळी चोरल्याची घटना घडली होती. त्या घटनेतील आरोपी हाच आहे का, याचाही तपास पोलीस करत आहेत.