Viral Video: जीव वाचवण्यासाठी थेट बिबट्याशी भिडला, मजुराचं धाडस पाहून अंगावर येईल काटा! पाहा व्हिडीओ

Man vs Leopard: मानव व वन्यजीवांमधील संघर्षाच्या घटना सातत्याने समोर येत आहेत. 

मानव व वन्यजीवांमधील संघर्षाच्या घटना सातत्याने समोर येत आहेत. लखीमपूर खेरी भागात बिबट्याने एका मुजरावर हल्ला केल्याची घटना घडली. परंतु, मजुराने एकट्याने बिबट्याचा सामना केला आणि स्वत:चा जीव वाचवला. या घटनेत मजुर गंभीर जखमी झाल्याची माहिती आहे. या घटनेचा व्हिडीओ सोशल मीडियावर चांगलाच व्हायरल झाला आहे. 

मिळालेल्या माहितीनुसार, ही घटना उत्तर प्रदेशातील लखीमपूर खेरी जिल्ह्यातील एका वीटभट्टीची आहे, जिथे एक बिबट्या वीटभट्टीवर काम करणाऱ्या कामगारांवर हल्ला करतो. त्यावेळी एक मजुर शेवटच्या श्वासापर्यंत बिबट्याशी लढतो. बिबट्याला दुरून पाहिले तरी लोक आपला रस्ता बदलतात. परंतु, संबंधित मजुराने न घाबरता बिबट्याशी दोन हात केले. मजुराचे धाडस पाहून बिबट्याला घाम फुटला आणि त्याने तेथून धूम ठोकली. त्यानंतर वनविभागाच्या अधिकाऱ्याने शेतात लपलेल्या बिबट्याचा शोध घेऊन त्याला जेरबंद केले.या घटनेचा व्हिडीओ सोशल मीडियावर व्हायरल झाल्यानंतर नेटकऱ्यांनी बिबट्याशी लढणाऱ्या मजुराच्या धाडसाचे कौतुक केले.

Kalesh b/w a Leopard and Guy (In Lakhimpur Kheri UP, A leopard attacked brick kiln workers. Mihilal, 35, fought and subdued the leopard until it fled into a field, exhausted. The forest department later captured the leopard. Several people were injured)
pic.twitter.com/aCBw0PhTr4

— Ghar Ke Kalesh (@gharkekalesh) June 24, 2025

@gharkekalesh या एक्स हँडलवरून हा व्हिडीओ शेअर करण्यात आला. या व्हिडीओला आतापर्यंत लाखो लोकांनी पाहिले असून हजारो लोकांनी लाईक केले आहे. समाजवादी पक्षाचे नेते अखिलेश यादव यांनी या घटनेवर प्रतिक्रिया दिली. "धौरहरा येथील बाबुरी गावात एका वीटभट्टीवर बिबट्याशी लढताना जखमी झालेल्या मजुरावर शक्य तितक्या चांगल्या उपचारांची व्यवस्था करावी. वाढत्या अतिक्रमणांमुळे वन्य प्राण्यांना वस्त्यांमध्ये येण्यास भाग पाडले जात आहे. पर्यावरण संवर्धनाची मानसिकता असलेले सरकार सत्तेत आल्यावरच जंगलांची ही लूट थांबेल. जंगले वाचवली गेली तर सर्वजण वाचतील", असे ते म्हणाले.