कुत्र्याची भन्नाट हुशारी! तगड्या पिटबूलची 'अशी' केली फजिती; Video पाहून नेटकरीही थक्क

Pitbull vs Street Dog Viral Video: हल्ला करणाऱ्या पिटबुलने छोट्या कुत्र्याचा जबडा तोंडात धरलाच होता पण त्यावेळी...

Pitbull vs Street Dog Viral Video: प्राण्यांच्या जगात जगण्यासाठी केवळ ताकदच नाही, तर बुद्धीचीही गरज असते, याचा प्रत्यय देणारा एक व्हिडिओ सध्या इंटरनेटवर धुमाकूळ घालत आहे. एका हिंसक पिटबुल (Pitbull) कुत्र्याने हल्ला केल्यानंतर, एका रस्त्यावरच्या कुत्र्याने चक्क 'मेल्याचं सोंग' (Playing Dead) घेऊन स्वतःचा जीव वाचवला. या कुत्र्याची ही भन्नाट आयडिया पाहून प्राणिशास्त्रज्ञ आणि नेटकरीही थक्क झाले.

नेमकं काय घडलं?

व्हायरल व्हिडिओमध्ये दिसते की, एक तगडा पिटबुल कुत्रा रस्त्यावरील एका कुत्र्यावर हल्ला करतो. पिटबुलची ताकद आणि त्याचा आक्रमक स्वभाव पाहता, रस्त्यावरच्या कुत्र्याला इजा होण्याची दाट शक्यता होती. पण पिटबुलने त्याला जबड्यात पकडताच, त्या कुत्र्याने प्रतिकार करणे पूर्णपणे थांबवून टाकले आणि त्याने मेल्याचे नाटक केले. कसलीही हालचाल न केल्यामुळे पिटबुलला वाटले की तो कुत्रा मेला. हालचाल दिसत नसल्यामुळे पिटबुलचा आक्रमकपणा कमी झाला आणि त्याने आपली पकड सैल केली. काही वेळाने जेव्हा लोक पिटबुलला तिथून दूर नेण्यात यशस्वी झाले, तेव्हा सर्वांना वाटले की दुसऱ्या कुत्र्याचा मृत्यू झाला आहे. मात्र, पिटबुल नजरेआड होताच, तो 'मृत' वाटणारा कुत्रा अचानक उठला आणि वेगाने तिथून पळून गेला.

Dog’s intelligent survival strategy, playing dead until the Pitbull is removed

pic.twitter.com/HAq1eEZ9jr

— Science girl (@sciencegirl) January 10, 2026

सोशल मीडियावर चर्चेचा विषय

या व्हायरल व्हिडिओवर नेटकऱ्यांनी कौतुकाचा वर्षाव केला आहे. अनेकांनी याला 'नॅचरल इंटेलिजन्स' म्हटले आहे. संकटाच्या वेळी घाबरून न जाता शांत राहून परिस्थिती हाताळणे किती महत्त्वाचे आहे, याचे हे उत्तम उदाहरण असल्याचे युजर्स सांगत आहेत. प्राण्यांच्या भाषेत याला 'थॅनाटोसिस' (Thanatosis) किंवा 'ॲडॅप्टिव्ह बिहेविअर' असे म्हणतात, ज्यात प्राणी शिकारीपासून वाचण्यासाठी मृत असल्याचे नाटक करतात.