आजच्या सोशल मीडियाच्या युगात नवनवीन उत्पादनांचे रिव्ह्यू करणे हा एक ट्रेंड बनला आहे. मात्र, कधीकधी हे रिव्ह्यू इतके विचित्र असतात की, ते पाहून कोणालाही धक्का बसू शकतो. सध्या असाच एक व्हिडिओ सोशल मीडियावर तुफान व्हायरल होत आहे, ज्यामध्ये एका मुलीने महागड्या मॉइश्चरायझरबद्दल दिलेली माहिती आणि त्यावर तिच्या वडिलांनी दिलेली प्रतिक्रिया पाहून नेटकरी पोट धरून हसत आहेत.
व्हायरल होत असलेल्या व्हिडिओमध्ये एक मुलगी सांगते की, इंस्टाग्रामवर सध्या एक मॉइश्चरायझर खूप चर्चेत आहे. केवळ ट्रेंड फॉलो करण्यासाठी तिने ते मॉइश्चरायझर ऑर्डर केले. जेव्हा तिने या छोट्याशा डबीची किंमत ५,८०० रुपये असल्याचे सांगितले, तेव्हा तिच्या वडिलांना मोठा धक्काच बसला.
वडील आश्चर्याने आपल्या पत्नीला म्हणाले की, "बघ, ही कशी पैसे वाया घालवतेय!" त्यावर मुलीने साधेपणाने उत्तर दिले की, "मी ते माझ्या चेहऱ्यावर लावते." गंमत इथेच संपत नाही. व्हिडिओमध्ये पुढे मुलगी एक असा खुलासा करते जो ऐकून वडिलांच्या पायाखालची जमीनच सरकते. ती म्हणते की, "या मॉइश्चरायझरमध्ये मांजरीची विष्ठा आहे." हे ऐकताच वडिलांना दुसरा मोठा धक्का बसतो. जेव्हा मुलगी त्यांना मॉइश्चरायझरचा वास घेण्यास सांगते, तेव्हा वैतागलेले वडील तिला "तू काही दिवस माझ्यापासून दूरच राहा" असा सज्जड दम भरतात.
हा व्हिडिओ एक्स प्लॅटफॉर्मवर @Taza_Tamacha नावाच्या अकाउंटवरून शेअर करण्यात आला आहे. हा व्हिडिओ पाहिल्यानंतर नेटकऱ्यांनी मजेशीर कमेंट्सचा वर्षाव केला आहे. एका युजरने लिहिले की, "हा तर मेकअपवर मेकअप केला जात आहे!" दुसऱ्या एका युजरने संताप व्यक्त करत म्हटले, "भाऊ, आजकाल फॅशनच्या नावाखाली मुली काहीही फालतू गोष्टींवर पैसे वाया घालवत आहेत, यात शंकाच नाही."
Web Summary : A viral video shows a father's hilarious reaction to his daughter spending ₹5,800 on moisturizer, which she claims contains cat feces. The father is shocked by the price and the unusual ingredient, leading to humorous reactions.
Web Summary : वायरल वीडियो में बेटी द्वारा 5,800 रुपये के मॉइस्चराइजर खरीदने पर पिता की मजेदार प्रतिक्रिया दिखाई गई है, जिसमें बिल्ली का मल होने का दावा किया गया है। कीमत और अजीब सामग्री से पिता हैरान हैं, जिससे हास्यपूर्ण प्रतिक्रियाएं सामने आती हैं।