आयुष्यात मित्र खूप महत्त्वाचे असतात, असं म्हटलं जातं. एकीकडे ते आपल्या प्रत्येक सुख-दुःखात आपल्या सोबत असतात तर दुसरीकडे मस्ती करण्यातही तितकेच पुढे असतात. काही अगदी बॉडीगार्डप्रमाणे सतत आपल्या आजूबाजूला असतात तर काही लोकांमध्येही आपली मस्करी करण्याची संधी सोडत नाहीत. लग्नात तर मित्र अगदी विचित्र मस्करी करताना दिसतात.
सध्या सोशल मीडियावर अशाच एका घटनेचा व्हिडिओ व्हायरल (Funny Wedding Video Viral) होत आहे. यात नवरदेवाच्या मित्रांनी नवरी-नवरदेवासोबत (Bride Groom Video) लग्नाच्या स्टेजवरच विचित्र मस्करी केल्याचं पाहायला मिळतं. हा व्हिडिओ पाहून तुम्हालाही हसू आवरणार नाही.
आपल्याकडे आजकाल लग्नात गिफ्ट देणं, ही जणू एक परंपराच बनली आहे आणि सोशल मीडियावर प्रसिद्धी मिळवण्यासाठी लोक काहीतरी वेगळं करण्याच्या प्रयत्नात असतात. कधी कपलला सुट्टे पैसे दिल्याचा व्हिडिओ व्हायरल होतो तर कधी अतिशय महागडं गिफ्ट दिल्याचा व्हिडिओ समोर येतो. मात्र आज जो व्हिडिओ समोर आला आहे, तो अतिशय वेगळा आहे. हा व्हिडिओ पाहून नेटकऱ्यांनाही हसू आवरत नाहीये.
व्हिडिओमध्ये तुम्ही पाहू शकता की नवरी आणि नवरदेव स्टेजवर उभा आहेत. इतक्यात तिथे नवरदेवाचे मित्र येतात. सगळ्या आधी नवरदेवाचा एक मित्र पुढे येतो आणि नवरीच्या हातात हे युनिक गिफ्ट देऊन पुढे निघून जातो. यानंतर दुसरा मित्र डान्स करत तिथे येतो आणि नवरीच्या हातात झाडू देतो. यानंतर क्रमाने इतर मित्रही येतात आणि नवरीला स्वयंपाकघरातील वस्तू आणि इतर विचित्र गिफ्ट देतात.
हा मजेशीर व्हिडिओ इन्स्टाग्रामवर brides_special नावाच्या अकाऊंटवरुन अपलोड करण्यात आला आहे. यावर कमेंट करू लोक नवरदेवाची मस्करी करत आहेत. एका यूजरने कमेंट करत म्हटलं की आता नवरी आणि नवरदेवासा घरातील सामान खरेदी करण्याची गरजच पडणार नाही आणि कमवण्याचीही गरज नाही. दुसऱ्या एका यूजरने लिहिलं, नवरदेवानेही याच्या लग्नात अशीच मस्करी केली असेल म्हणूनच मित्र बदला घेत आहे. आणखी एकाने लिहिलं, अशा मित्रांना लग्नातच बोलवायचं नाही. यासोबत इतरही अनेकांनी यावर मजेशीर कमेंट केल्या आहेत.