एमएमआरडीकडून टिटवाळा ते माणकोली मोठागाव बाह्यवळण रस्त्याचे काम सुरू आहे. काम सुरू असलेल्या याच रस्त्यावरील एक व्हिडीओ सोशल मीडियावर व्हायरल झाला. एका डम्पर चालकाने चक्क ठेकेदार असलेल्या मालकाचीच कार डम्परने फरफटत नेली आणि समोरच्या डम्परवर आदळली. यात कारचे नुकसान झाले आहे. हे कृत्य डम्पर चालकाने पगाराच्या वादातून केल्याचे समोर आले आहे.
डोंबिवली पश्चिममध्ये असलेल्या राजूनगर भागात ही घटना घडली आहे. रस्त्याचे काम करत असलेल्या ठेकेदाराकडून कामगार आणि वाहन चालकांचे वेतन वेळेत न दिल्याच्या कारणावरून ही घटना घडली.
शेकडो मजूर या रस्त्याचे काम करतात. महिना उलटून गेला तरी पगार न दिला गेल्याने कामगारांकडून पगार करण्याची मागणी होत आहे. पगार देण्यास टाळाटाळ केली जात असल्याने डम्पर चालकाला राग आला.
रस्त्यावर भर टाकण्यासाठी मुरूम घेऊन एक डम्पर जात होता. त्यावेळी तिथे ज्या ठेकेदाराकडे वेतन थकले आहे, त्याची गाडी डम्पर चालकाला दिसली. ही गाडी रस्त्याच्या मध्यभागी उभी होती, तर मालक बाजूला रस्त्याच्या कामाची पाहणी करत होता.
डम्पर चालकाला ठेकेदाराचे वाहन असल्याचे कळले. त्याला राग अनावर झाला आणि त्याने कार डम्परने फरफटत नेत समोर उभ्या असलेल्या डम्परवर नेऊन आदळली. दहा-पंधरा फूट अंतर फरफटत नेल्याने कारचे बरेच नुकसान झाल्याचे कळते. दरम्यान, ही घटना घडल्यानंतर डम्पर चालक फरार झाला.
Web Summary : In Dombivli, a dumper driver, enraged by delayed wages, rammed his employer's car into another dumper. The incident, occurring on the Titwala-Manakoli road, caused significant damage. The driver is now absconding, following the dispute over pending salaries.
Web Summary : डोम्बीवली में, वेतन में देरी से नाराज एक डंपर चालक ने अपने नियोक्ता की कार को दूसरे डंपर से टक्कर मार दी। टिटवाला-माणकोली मार्ग पर हुई इस घटना में काफी नुकसान हुआ। वेतन विवाद के बाद चालक फरार है।