सोशल मीडियावर (Social Media) सध्या एक व्हिडीओ मोठ्या प्रमाणात व्हायरल होताना दिसत आहे. रविवारी एक व्हिडीओ व्हायरल झाला, ज्यामध्ये दिल्ली विमानतळाच्या बाहेर दिल्ली-गुरुग्राम हायवेवर असलेल्या एका फूट ओव्हर ब्रीजच्या खाली एअर इंडियाचं एक विमान अडकलेलं दिसत आहे. हा व्हिडीओ पाहून लोकांना आश्चर्याचा धक्का बसला आणि ते विमान त्या ठिकाणी कसं पोहोचलं हा प्रश्नही पडला.
खरं तर या विमानाचा अपघात झालेला नाही. परंतु हे विमान खराब झालेलं आहे. जे विमान एअर इंडियानं (Air India) विकून टाकलं आहे. तसंच हे विमान ज्यानं खरेदी केलं, त्या मालकाद्वारे नेण्यात येत होतं. "हे एक जुनं विमान आहे आणि ते खराब झालं होतं. त्याची आम्ही पूर्वीच विक्री केली होती. याबाबत कोणतीही अतिरिक्त माहिती नाही, कारण ज्याला याची विक्री केली होती तोच हे विमान घेऊन जात होता," अशी प्रतिक्रिया एअर इंडियाच्या प्रवक्त्यानं दिल्याची माहिती टाईम्स ऑफ इंडियानं दिली आहे.