पंचम खेमराज!

मालवणी तडका

सकलो : पंचम खेमराज! तुमची आमची सगळ्यांचीच शान म्हंजेच पंचम खेमराज.
तुकलो : शिवराम राजे भोसले यांनी युवा पिढी सुशिक्षित होवक व्हयी म्हनान त्या काळात म्हंजे पन्नास वर्सांपूर्वी या संस्थेची स्थापना केली. ती धंदो म्हनान न्हय, तर आपल्या परिसरातील युवा पिढी शिकाक व्हयी म्हनान.
सकलो : आनी आता बातमी वाचून खूप वायट वाटला.
तुकलो : जो जो त्या महाविद्यालयातील शिकलो, तेका या वादाची बातमी वाचून खूप वायट वाटला.
सकलो : शिवराम राजेंका पन कधी वाटला नसला की, ह्या थरात ह्यो असो प्रसंग येयत म्हनान.
तुकलो : सावंतवाडी ही सुसंस्कृतांची आनी विचारवंतांची, समजूतदारांची म्हनान मानली जाता. त्या मानन्याक कोनी पन तडो जावक देव नुको. तसो कोन प्रयत्न करीत तर पाटेश्वराची आनी उपरलकराची काठी तेच्या पाठीर बसतली.
सकलो : अगदी खरा. शिक्षन संस्था म्हंजे धंदो ह्या आता सुरू झाला. पन त्या काळात...
तुकलो : पन त्या काळात शिवराम राजेंनी धंदो बघूक नाय व्हतो. तशी तेंका गरज पन नाय व्हती. शेवटी राजा मानूस तो.
सकलो : आपली येनारी पिढी शिकान मोठी व्होवची म्हनान तेनी सगळा केला, पन तिच पिढी इतकी मोठी झाली की, ती संस्था माझी की तुझी, ह्या वादात अडाकली.
तुकलो : घरगुती प्रश्न शक्य तितको चार भिंतीत सोडवललो बरो. तो ज्या येळाक चव्हाट्यावर येता, त्या येळाक घरातल्या प्रत्येक सदस्यान इचार करूक व्हयो.
सकलो : अगदी बरोबर. कोनतरी कायतरी सागता आनी आपून कायतरी चुकीचा करून घरान्याक चुकीच्या मार्गार न्हेव नये.
तुकलो : राजकारना आमीव बघली, अनुभवली. पन पंचम खेमराज ह्या महाविद्यालय सगळ्या युवा पिढीचा गोकूळ हा. थय नुको राजकारन.
सकलो : कोनतरी म्हनतलो, तुझो काय संबंध? तू गप रव. पन ये. यस. प्रियोळकरांनी आमका केमिस्ट्री शिकवली हा. त्या येळाक काय कळाक नाय...
तुकलो : पन आता केमिस्ट्री कळता. हेची केमिस्ट्री कशी जुळली, कशी जुळली आनी तेचा आऊटपूट काय, ह्या आता आमकाव कळाक लागला.
सकलो : खरा हा. त्या ग्राऊंडवर जे खेळाक तयार झाले, जिमखाना हॉलमध्ये रॅकेट फिरवनारे आता म्हातारे झाले आसतीत. तेंनी ही वादाची बातमी वाचली आसात, तर तेंका पन ते दिवस आठावतले.
तुकलो : आठवनी तर भरभरून हत. तुमच्यो, आमच्यो सगळ्यांच्यो. त्या महाविद्यालयात कित्येक जनांची नाळ जोडलली हा.
सकलो : ही नाळ प्रत्येकाची वलीच हा.
तुकलो : लायब्री आठवली आनी डोळ्यात पानी इला. खूप काय काय डोळ्यासमोरसून गेला. धमाल आठावली, मजा आठावली. आमच्या काळातले फिशपॉर्इंट आठावले. आनी ख्रराच डोळे पोनावले.
सकलो : तसो आमचो काय संबंध नाय, पन सहवासाचो संबंध खूप हा. ती शाळा भावीपिढी घडवनारा ता मंदिर हा. तेतूर नुको राजकारन.
तुकलो : घरगुती इषय. खूप नाजूक आसतत ते. हेतू शुध्द ठेवन चर्चेन सोडवा. आपल्या जिल्ह्याची शान ता कॉलेज हा. तेची नशा करू नुको, ही आमची इनंती हा.
सकलो : अगदी बरोबर. तुमका सगळ्यांका पाटेश्वर सुबुध्दी देवो आनी कसलाच राजकारन नाय व्हता. आमचा महाविद्यालय गोकूळ सारख्या नांदो.
तुकलो : ही सगळ्यांची इच्छा हा. सत्वशिलादेवी भोसलेंची स्तुती करनारी मंडळी व्यासपीठावर खूप येळा बघली. तीच मंडळी अशी कशी वागली, ह्योच प्रश्न हा.
सकलो : कोनचा बरोबर, कोनचा चूक ह्या आमका म्हायत नाय. ता त्या पाटेश्वराक म्हायती. ह्या गनित तेनाच सोडवक व्हया आनी आपल्या सुंदरवाडीची शान अबाधित ठेवची, हीच आमची इच्छा.
तुकलो : अगदी बरोबर. कोनी पन राजकारन मनात हाडू नये. तेच्यासाठी चार चार पावला पाठी या आनी पंचम खेमराज पाच मुठांची वज्रमूठ व्होवदे, अशी पाटेश्वराक प्रार्थना करू या.
- विजय पालकर