महाबळेश्वर : महाबळेश्वर तालुक्यातील ७७ ग्रामपंचायतींच्या सरपंचपदाची आरक्षण सोडत शुक्रवारी जाहीर करण्यात आली. तालुक्यातील ७७ पैकी ४४ ग्रामपंचायतींची सरपंचपदेही सर्वसाधारण गटासाठी आरक्षित केली. त्यापैकी २२ ग्रामपंचायतींची सरपंचपदे ही महिलांसाठी सोडत पद्धतीने निश्चित करण्यात आली.
तहसीलदार सुषमा चौधरी-पाटील यांच्या मार्गदर्शनाखाली येथील खादी ग्रामोद्योगच्या सभागृहात हा कार्यक्रम पार पडला. यावेळी सभापती अंजना कदम या उपस्थित होत्या.
नुकत्याच निवडणुका पार पडलेल्या ४२ ग्रामपंचायतींसह तालुक्यातील सर्वच ७७ ग्रामपंचायतींच्या सरपंचपदाचे आरक्षण जाहीर केले. अनुसूचित जातीसाठी सात ग्रामपंचायती राखीव ठेवण्यात आल्या. त्यातील चार ग्रामपंचायतींची सरपंचपदे सोडत पद्धतीने निश्चित करण्यात आली. अनुसूचित जमातीसाठी पाच ग्रामपंचायतींची सरपंचपदेही आरक्षित करण्यात आली, तर तीन ग्रामपंचायतींची सरपंचपदे ही महिलांसाठी राखीव ठेवली. नागरिकांच्या मागास प्रवर्गासाठी २१ ग्रामपंचायतींची सरपंचपदे निश्चित केली. तर, त्यापैकी १० ग्रामपंचायतींची सरपंचपदे ही सोडत पद्धतीने निश्चित केली.
अनुसूचित जाती महिलांसाठी दांडेघर, गोगवे, कुमठे व वलवण. अनुसूचित जातीसाठी रूळे, खिंगर व दाभेमोहन. अनुसूचित जमाती महिलांसाठी कुंभरोशी, येरणे बुद्रुक व गोरोशी. अनुसूचित जमाती बिरवाडी व मेटगुताड. नागरिकांचा मागास प्रवर्ग महिलांसाठी हरचंदी, मोरणी, सोनाट, देवळी, गावढोशी, अवकाळी, एरंडल, मेटतळे, आमशी, भौसे व उचाट. नागरिकांचा मागास प्रवर्गासाठी शिरवली, आचली, वाळणे, दाभेकर, गोडवली, कासवंड, सौंदरी, नाकिंदा, भेकवली व कळमगाव.
सर्वसाधारण महिला आरक्षणासाठी तायघाट, दानवली, पाली तर्फ आटेगाव, कुरोशी, वेळापूर, उंबरी, झांझवड, चतुरबेट, वेंगळे, राजपुरी, हातलोट, चिखली, भीमनगर, पांगारी, खरोशी, खांबील चोरगे, पर्वत तर्फ वाघावळे, लामज, बिरमणी, पारपार, सालोशी व लाखवड. सर्वसाधारण प्रवर्गासाठी देवसरे, मांघर, पारूट, आकल्पे, अहीर, माचुतर, तळदेव, जावली, भिलार, वानवली तर्फ सोळशी, रेणोशी, गुरेघर, आरव, रामेघर, कोट्रोशी, क्षेत्र महाबळेश्वर, आंब्रळ, मोळेश्वर, घावरी, निवळी, दुधगाव व वारसोळी देव.
अनेक गावांत सरपंचपदाचे आरक्षण पडले आहे. त्या वर्गातील सदस्याचे पद ग्रामपंचायतीचे रिक्त असल्याने अशा अनेक गावांतील कारभार सरपंचाविना चालणार आहे. अशा वेळी उपसरपंच हाच गावचा मुख्य कारभारी होणार आहे, अशी तालुक्यातील निम्म्यापेक्षा अधिक गावांतील स्थिती आहे.