Maharashtra Rain Updates : पाटण तालुक्यात दरड कोसळल्याने घरे मातीच्या ढिगाऱ्याखाली, 3 कुटुंबातील लोक बेपत्ता

Maharashtra Rain Live Updates : मुसळधार पावसामुळे मदत कार्यामध्ये अडचणी येत आहेत या भागातील प्रमुख रस्ते पाण्याखाली गेले आहेत.

कोयनानगर - पाटण तालुक्यातील मोरणा विभागात असणाऱ्या आंबेघर येथे दरड कोसळण्याची घटना घडली आहे.  गुरुवारी रात्रीच्या सुमारास ही घटना घडली असून आंबेघर येथील काही घरे या मातीच्या ढिगाऱ्याखाली गेली आहेत. या घटनेची माहिती समजताच काही ग्रामस्थ घटनास्थळी पोहोचले आहेत. मात्र त्याठिकाणी तीन कुटुंबातील लोक रात्रीपासून बेपत्ता असल्याचे सद्यस्थितीत समोर येत आहे. स्थानिक ग्रामस्थांनी तातडीने मदत कार्य सुरू केले आहे. 

मुसळधार पावसामुळे मदत कार्यामध्ये अडचणी येत आहेत या भागातील प्रमुख रस्ते पाण्याखाली गेले आहेत. दरम्यान पाटण तालुक्यातील ढोकावळे येथेही घरांची पडझड होऊन मातीच्या ढिगाऱ्याखाली काही लोक अडकल्याचे सांगण्यात येत आहे तर किल्ले मोरगिरी येथेही दरड कोसळल्याने महादेवाचे मंदिर मातीच्या ढिगाऱ्याखाली अडकले आहे येथील परिसरातील ग्रामस्थांना प्रशासनाने इतरत्र हलवले आहे ही घटना ही गुरुवारी सायंकाळी घडली आहे.

Maharashtra Rain Live Updates : महाडमधील पूरग्रस्तांच्या बचावकार्याला रेस्क्यू टीम, हेलिकॉप्टरच्या सहाय्याने मदतीला सुरुवातhttps://t.co/vxc423l3Z3pic.twitter.com/wRtMogHtxO

— Lokmat (@MiLOKMAT) July 23, 2021

Maharashtra Rain Live Updates : आंबोली घाटात दरड कोसळली, सिंधुदुर्गचा पश्चिम महाराष्ट्राशी संपर्क तुटला#MaharashtraRains#MaharashtraRainUpdate#Maharashtra#MumbaiRainsUpdate#Rains#RainfallAlerthttps://t.co/vxc423l3Z3pic.twitter.com/DZd0BXj48T

— Lokmat (@MiLOKMAT) July 23, 2021

Read in English