हृदयविकार रुग्णांसाठी मोफत तपासणी शिबिर

सातारा : हृदयविकार रुग्णांसाठी गुरुवार, दि. १४ जानेवारी रोजी मोफत आरोग्य, हृदय तपासणी शिबिराचे आयोजन करण्यात आले आहे, अशी माहिती रुबी हॉल क्लिनिकचे वरिष्ठ व्यवस्थापक संजय लावंड यांनी दिली.

रुबी हॉल क्लिनिक (सातारा) येथे गुरुवारी सकाळी ९ ते १२ व रुबी मेडिकल सर्व्हिसेस (कऱ्हाड) येथे दुपारी १ ते ३ या वेळेत हे शिबिर होणार आहे. छातीमध्ये दुखणे, घाम येणे, चक्कर येणे, धाप लागणे, गुदमरणे, साखरेचे प्रमाण वाढणे, रक्तदाब वाढणे किंवा कमी होणे अशा प्रकारची लक्षणे असणाऱ्या रुग्णांनी शिबिराचा लाभ घ्यावा, असे आवाहन करण्यात आले आहे. याशिवाय तज्ज्ञांचा मोफत सल्लाही मिळणार आहे. सवलतीसाठी पिवळे रेशनकार्ड व उत्पन्नाचा दाखला आवश्यक असल्याची माहिती लावंड यांनी दिली. (वा.प्र.)