कोपर्डे हवेली : कऱ्हाड, पाटण तालुक्यात बुधवारी रात्री पडलेल्या मुसळधार पावसाने शेतात पाणी साचून राहिले. त्यामुळे कोपर्डे हवेली परिसरातील टोमॅटोसह इतर पिकांचे नुकसान झाले.
कोपर्डे हवेली परिसरात बुधवारी रात्री पडलेल्या मुसळधार पावसामुळे आणि गुरुवारी अधूनमधून पडत असलेल्या पावसामुळे परिसरातील ओढे, नाले, दुथडी भरून वाहत आहेत. गुरुवारी परिसरात टोमॅटो पिकांचे तोडे साेडून शेतीतील सर्व कामे बंद होती. कऱ्हाड-मसूर रस्त्यावरील पूर्वेच्या बाजूला पाणी साठून राहिल्याने शिवार जलमय झाला आहे. हा पाऊस पेरणी झालेल्या पिकाला पूरक मानला जात असला, तरी माळव्याच्या पिकाला हानीकारक आहे. माळ्याच्या पिकात साचलेले पाणी शेतकरी शेतातून काढून देण्याचा प्रयत्न करत आहेत.
फोटो ओळ १७कोपर्डे हवेली रेन
कोपर्डे हवेली परिसरात बुधवारी रात्री पडलेल्या पावसामुळे पाणी शिवारात साचून राहिले होते.