आयोगाच्या रडारवर बँका

जिल्हाधिकारी : संशयास्पद खात्याची माहिती दररोज देण्याचे आदेश

सातारा : ‘उमेदवारांना बँकांमध्ये खाते उघडण्यासाठी प्राधान्य द्यावे, त्याचबरोबर संशयास्पद व्यवहाराची माहिती बँकानी खर्च संनियंत्रण कक्षाकडे देण्याचे आदेश जिल्हा निवडणूक निर्णय अधिकारी तथा जिल्हाधिकारी अश्विन मुदगल यांनी दिले आहेत. विधानसभा निवडणुकीच्या पार्श्वभूमीवर जिल्ह्यातील विविध बँकांच्या प्रतिनिधींची बैठक जिल्हाधिकारी कार्यालयातील नियोजन भवनात झाली. त्यावेळी त्यांनी हे आदेश दिले. या बैठकीस उपजिल्हा निवडणूक अधिकारी सुनंदा गायकवाड, खर्च संनियंत्रण कक्षाच्या नोडल अधिकारी भारती देशमुख, अग्रणी बँकेचे जिल्हा व्यवस्थापक संजय वाघ आदीं उपस्थित होते.जिल्हाधिकारी मुदगल म्हणाले, ‘भारत निवडणूक आयोगाच्या सूचनेनुसार निवडणूक लढविणाऱ्या उमेदवारासाठी खर्चाची मर्यादा २८ लाख करण्यात आली आहे. त्याबरोबर हा सर्व खर्चाचा व्यवहार करण्यासाठी उमेदवाराला बँकेत खाते उघडणे बंधनकारक केले आहे. या खात्यामार्फत करण्यात आलेल्या व्यवहाराचा तपशील खर्च संनियंत्रण कक्षाकडे सादर करणे बंधनकारक आहे. उमेदवाराने ही माहिती विहित स्वरूपात सादर न केल्यास उमेदवारावर अपात्रतेची कारवाई होऊ शकणार आहे. त्यासाठी आपल्या बँकांच्या शाखेत उमेदवार खाते उघडण्यासाठी आल्यास त्यास प्राधान्य द्यावे.’दोन महिन्यांत खात्यावर कोणताही व्यवहार झालेला नसताना अचानकपणे त्या खात्यावर काही ठिकाणाहून पैसे जमा झाले, अथवा एका खात्यातून वेगवेगळ्या खात्यामध्ये पैसे जमा करण्यात आले, अथवा दहा लाखांपेक्षा जास्त रक्कम काढली, अथवा जमा केली अशा संशयास्पद खात्याची माहिती दररोज ल्लङ्मीि’ङ्माा्रूी१ी७स्र2014@ॅें्र’.ूङ्मे या मेलवर पाठविण्यात यावी.या बैठकीस बँक आॅफ इंडियाचे मुख्य प्रबंधक ई. अ. सय्यद, युनियन बँक आॅफ इंडियाचे आर. एस. सय्यद, स्टेट बँक आॅफ हैद्राबादचे व्यवस्थापक एम. एस. नायकवडी, स्टेट बँक आॅफ इंडियाचे उपव्यवस्थापक एस. एच. मेटकरी, विजया बँकेचे व्यवस्थापक एच. आर. प्रशु त्याचबरोबर देना, आयसीआयसीआय, सिंंडीकेट, युको, पंजाब नँशनल, एचडीएफसी बँकांचे प्रतिनिधी उपस्थित होते. (प्रतिनिधी)जिल्ह्यासाठी चार निरीक्षकजिल्हाधिकारी अश्विन मुदगल म्हणाले, ‘याबाबतची सविस्तर माहिती निवडणूक आयोगाच्या संकेतस्थळावर देण्यात आली आहे. दोन मतदार संघांसाठी एक असे आपल्या जिल्ह्यासाठी चार खर्च निरीक्षक येणार आहेत. एखादी एजन्सी बँकेसाठी आऊटसोर्सिंग करत असेल, तर त्या एजन्सीकडे ओळखपत्र तसेच संबंधित बँकेचे ओळखपत्र आहे की नाही, याबाबत दक्षता घेण्यात यावी. संशयास्पद व्यवहार, बनावट नोटा आदींबाबत दक्ष राहणे आवश्यक आहे.