संतोष भिसे
लोकमत न्यूज नेटवर्क
सांगली : गणेशोत्सवात बाप्पाच्या आराधनेसोबतच पर्यावरणाच्या जपणुकीचे महत्त्वही जाणणाऱ्या भाविकांसाठी बेकिंग सोड्याचा पर्याय पुढे आला आहे. प्लास्टर ऑफ पॅरिसच्या गणेशमूर्ती बेकिंग सोड्याच्या पाण्यात विरघळत असल्याने प्रदूषणाच्या समस्येचेही विसर्जन होत असल्याचे पर्यावरणप्रेमींनी दाखवून दिले आहे.
पीव्हीपीच्या मूर्ती पाण्यात विरघळत नसल्याने अध्यात्मिकदृष्ट्या मूर्तीच्या पावित्र्याचा प्रश्न निर्माण होतो, शिवाय पाण्याचे प्रदूषणही मोठ्या प्रमाणात होते. पर्यावरणप्रेमी भाविक शाडूच्या मूर्तींना पसंती देत असले तरी मागणीइतक्या त्या उपलब्ध होत नाहीत. नाईलाजाने पीव्हीपीच्या मूर्तींची प्रतिष्ठापना करावी लागते. यावर सुवर्णमध्य शोधताना पर्यावरणप्रेमींनी बेकिंग सोड्याचा उपाय शोधला आहे. बेकरी उत्पादनांमध्ये वापरले जाणारे सोडियम बायकार्बोनेट किंवा उद्योगांत वापरले जाणारे अमोनियम बायकार्बोनेट हा सोडा मूर्ती विरघळविण्यासाठी कामी येतो. बाजारात ३० ते ४० रुपये प्रतिकिलो दराने तो मिळतो.
बॉक्स
४८ तासांत विरघळेल मूर्ती
सुमारे एक ते दीड किलो वजनाची पीव्हीपीची मूर्ती सोड्याच्या पाण्यात ४८ तासांत विरघळते. बादलीभर पाण्यात मूर्तीचे यथासांग विसर्जन केल्यानंतर त्यात सोडा टाकावा. दोन-तीन तासांच्या अंतराने ढवळत राहावे. दोन दिवसांत मूर्ती पूर्णत: विरघळून जाते.
बॉक्स
खत आणि चुना म्हणून वापर
- सोड्याच्या पाण्यात मूर्ती पूर्ण विरघळल्यानंतर तळाला पीव्हीपीची पेस्ट शिल्लक राहते. तिचा वापर चुना, खडू याच्या स्वरुपात करता येतो.
- बादलीत वर राहिलेले पाणी बागेसाठी उत्तम खत म्हणून उपयुक्त ठरते. बाप्पांच्या मूर्तीच्या अंशातून बागेत फुले फुलवणे आनंददायी ठरते.
बॉक्स
सोडा आणि पाण्याचे प्रमाण
मूर्तीचे वजन पाण्याचे प्रमाण बेकिंग सोडा किलोमध्ये
१ किलो १० लीटर १ किलो
२ किलो १५ लीटर २ किलो
५ किलो ३० लीटर ४ किलो
ग्राफ
पीओपी मूर्तींचाच जास्त वापर
वर्ष पीओपी शाडू
२०१९ ३०००० ५०००
२०२० २५००० ४०००
२०२१ ४०००० ८०००