Maharashtra Politics : पक्षात कोण नाराज आहे का? जयंत पाटलांनी दिलं उत्तर; चर्चांना दिला पूर्णविराम

Maharashtra Politics : राष्ट्रवादी शरदचंद्र पवार पक्षात कोणीही नाराज नसल्याचे जयंत पाटील यांनी सांगितले.

Maharashtra Politics : राष्ट्रवादी शरदचंद्र पवार पक्षात प्रदेशाध्यक्ष जयंत पाटील यांच्यावर पक्षातील युवा आमदार नाराज असल्याच्या चर्चा सुरू आहेत. पक्षातील अनेक युवा आमदार आणि कार्यकर्ते जयंत पाटील यांनी संघटनात्मक पातळीवर आपल्या जवळच्या लोकांनाच पदांवर नियुक्ती दिल्याचा आरोप करत असून त्यामुळे पक्षात अंतर्गत असंतोष निर्माण झाल्याची चर्चा सुरू आहे. या चर्चांवर आता स्वत: जयंत पाटील यांनी प्रतिक्रिया देऊन चर्चांना पूर्णविराम दिला आहे. 

उत्पन्न नाही, पीकविमा बँक देईना; पेरणीसाठी पैसे नसल्याने, जीवन संपविण्याची शेतकऱ्याची तयारी

आज प्रदेशाध्यक्ष जयंत पाटील सांगली दौऱ्यावर होते. यावेळी त्यांनी माध्यमांना प्रतिक्रिया दिली. यावेळी त्यांनी पक्षातील नाराजीच्या चर्चांना पूर्णविराम दिला. जयंत पाटील म्हणाले, राष्ट्रवादी शरद पवार पक्षामध्ये कोणीही नाराज नाहीत. सगळे आपले काम करत आहेत. पक्षात कसलेही मतभेत नाहीत. फक्त माध्यमांनी काही बातम्या केल्या आहेत, असंही पाटील म्हणाले.

"कोणीही नाराज नाही, आता प्रसार माध्यमांत बातम्या तयार केल्या असतील. याबाबत शरद पवार पाहतील आणि निर्णय घेतील. असंही राष्ट्रवादीचे प्रदेशाध्यक्ष जयंत पाटलांनी सांगितले. दरम्यान, दोन्ही राष्ट्रवादी एकत्र येण्याच्या चर्चा आमच्या पक्षात नाहीत. तिकडे होतं असतील तर माहिती नाही, असंही जयंत पाटील यांनी स्पष्ट केले. 

राष्ट्रवादी शरदचंद्र पवार पक्षात नाराजी?

राष्ट्रवादी काँग्रेस शरदचंद्र पवार पक्षात वरिष्ठ नेते जयंत पाटील यांच्या भूमिकेविरोधात नाराजीचा सूर अधिकच तीव्र झाल्याचे वृत्त समोर आले होते. पक्षातील अनेक युवा आमदार आणि कार्यकर्ते जयंत पाटील यांनी संघटनात्मक पातळीवर आपल्या जवळच्या लोकांनाच पदांवर नियुक्ती दिल्याचा आरोप करत होत असल्याचे यात म्हटले होते.

जयंत पाटील यांनी पक्षात संघटनात्मक फेरबदल करताना अनेक महत्त्वाची पदं आपल्या विश्वासू आणि निकटवर्तीय कार्यकर्त्यांना दिली. त्यामुळे पक्षातील इतर अनुभवी, कार्यक्षम आणि निष्ठावान लोकांना संधी मिळत नसल्याचं मत नाराज आमदारांनी व्यक्त केल्याचा दावा यात करण्यात आला होता.