Ratnagiri-Khed Nagar Parishad Election Result 2025: खेडमध्ये विरोधकांचा धुव्वा, शिंदेसेना भाजप युतीचा एकतर्फी विजय

खेड : राज्यमंत्री योगेश कदम यांच्या मतदार संघातील मुख्य शहर असलेल्या खेड नगरपरिषदेत एकहाती विजय मिळाला आहे. शिंदेसेना भाजप युतीने नगराध्यक्ष पदासाह सर्वं वीस नगरसेवक निवडून आणून विरोधकांचा धुव्वा उडवला. 

नगराध्यक्ष पदासाठी युतीच्या उमेदवार माधवी बुटाला यांनी पहिल्या फेरीपासून घेतलेली आघाडी टिकवून ठेवत तब्बल २१११ मतांनी विजय मिळवला. त्यांच्या विरोधात उद्धव सेनेच्या उमेदवार सपना कानडे यांना ३१९५ मते मिळाली.

तर वंचित बहुजन आघाडीच्या सीमा शिंदे अवघी ९९ मते मिळाली. नगरसेवक पदासाठी २० जागासाठी ४६ उमेदवार रिंगणात होते मात्र युतीमधील शिंदे सेनेचे सर्वं १७ विजयी झाले तर भाजपचे ३ उमेदवार विजयी झाले. विरोधकांना या निवडणुकीत एकही जागा मिळवता आली नाही.