Ganpati Visarjan 2025: बाप्पाचे विसर्जन करताना जगबुडी नदीचे पाणी वाढले अन् तिघे गेले वाहून

गणरायाचे जल्लोषात स्वागत केल्यानंतर दीड दिवसांच्या गणपतीचे विसर्जन करताना रत्नागिरीत दुर्दैवी घटना घडली. 

Ratnagiri News: दीड दिवसाच्या गणपतीचे विसर्जन करण्यासाठी जगबुडी नदी पात्रात उतरलेले तीन जण वाहून गेल्याची घटना घडली. गुरूवारी (२९ ऑगस्ट) सायंकाळी ही घटना घडली. तिघांपैकी दोघांना वाचवण्यात नागरिकांना यश आले, तर एक जणांचा शोध सुरूच आहे. 

'लोकमत'चं WhatsApp चॅनल फॉलो करा!

रत्नागिरी जिल्ह्यातील खेड तालुक्यात ही घटना घडली. दीड दिवसाच्या बाप्पाचे विसर्जन करण्यासाठी काही लोक नदीत पात्रात उतरले होते. पण, पाण्याचा वेग वाढला आणि त्यातच खोलीचा अंदाज न आल्याने तीन जण वाहून गेले. 

यातील दोघे कसेतरी वाचले आणि नदीच्या काठावर आले. त्यांना लोकांनी तातडीने बाजूला नेले. दरम्यान, ४० वर्षाचे मंगेश पाटील यांना पाण्याचा प्रवाह खूप असल्याने काठावर येता आले नाही आणि ते वाहून गेले. 

Ratnagiri, Maharashtra: During Ganesh Visarjan at Bhoste village, two people were swept away by the strong current of the Jagbudi River. While one survived, 40-year-old Mangesh Patil drowned. Rescue operations by local authorities and an NDRF team are ongoing pic.twitter.com/6wsnkFMuat

— IANS (@ians_india) August 29, 2025

याची माहिती तातडीने पोलिसांना देण्यात आली. पोलिसांनी संबंधित यंत्रणांना याची माहिती दिली आणि तातडीने एनडीआरएफच्या पथकाला बोलवण्यात आले. 

गुरूवारी सांयकाळपासून मंगेश पाटील यांचा जगबुडी नदीत शोध सुरू असून, अद्याप त्यांच्याबद्दल काही कळू शकलेले नाही.