अंडी चोरल्याच्या संशयावरून कामगार महिलेचा विनयभंग; पुण्यातील हॉटेलमधील संतापजनक प्रकार

तसेच आरोपीने पीडिता महिलेचा रस्ता अडवून तिच्यावर शेरेबाजी करून तिला त्रास दिला....

- किरण शिंदे

पुणे : हॉटेलमधील अंडे चोरल्याचा संशयावरून महिलेला कपडे उतरवण्यास भाग पाडून तिचा विनयभंग केल्याचा संतापजनक प्रकार पुण्यात घडला आहे. पुण्यातील हॉटेल पार्क ऑर्नेटच्या कुकने हॉटेलमधील ५० वर्षीय महिला कामगारावर अंडी चोरीचा आरोप करून तिचा विनयभंग केला. मुकेश सिंह पुंडील असे विनयभंग करणाऱ्या आरोपीचे नाव आहे.

आरोपी पुंडील हा पार्क ऑर्नेट या हॉटेलच्या किचनमध्ये शेफचे काम करत असून पिडीत महिला याच हॉटेलमध्ये कामाला आहे. आरोपीने पिढीत महिलेवर तू अंडे कुठे लपवून ठेवले आहेस म्हणून तिची अंग झडती घेऊन तिला कपडे उतरण्यास भाग पाडले. तसेच आरोपीने पीडिता महिलेचा रस्ता अडवून तिच्यावर शेरेबाजी करून तिला त्रास दिला.

पोलिसांनी दिलेल्या माहितीनुसार, आरोपी पुन्डील हा पार्क ऑरनेट या हॉटेल मध्ये शेफ म्हणून काम करतो. तर पीडित महिला याच हॉटेलमध्ये कामाला आहे. मुकेश पुन्डील याने महिलेला तुम्ही वेळेवर ड्युटीवर येत नसल्याचे बोलून वाईट नजरेने पाहिले. महिलेने त्याला त्यांचे ड्युटी रजिस्टर तपासण्यास सांगितले. याचा राग आल्याने आरोपीने महिलेला अश्लील शिवीगाळ केली. यानंतर आरोपीने पीडित महिलेवर तू अंडे कुठे लवपवून ठेवले आहेत, असे म्हणून तिची अंग झडती घेऊन तिला कपडे उतरवण्यास भाग पाडले. तसेच महिलेचा रस्ता अडवून अश्लील शेरेबाजी करत नोकरी घालवण्याची धमकी दिली. या प्रकरणाचा पुढील तपास पोलिस उपनिरीक्षक पाटील करत आहेत.