पुणे: शहरातील वाहतुकीच्या बेशिस्तीवर लगाम घालण्यासाठी वाहतूक पोलिसांनी यंदा आक्रमक भूमिका घेतली असून, वर्षभरात तब्बल १८ लाख ७२ हजार बेशिस्त वाहनचालकांवर कारवाई करण्यात आली आहे. ही कारवाई मागील वर्षाच्या तुलनेत ७ लाख ६८ हजारांनी अधिक आहे. या कारवाईतून आतापर्यंत ५४ कोटी रुपयांहून अधिक दंड वसूल करण्यात आला आहे, अशी माहिती पोलिस आयुक्तांनी दिली.
शहरात २०२३ मध्ये १० लाख ३२ हजार ४१५, तर २०२४ मध्ये ११ लाख ४ हजार १४५ वाहनचालकांवर कारवाई झाली होती. मात्र, चालू वर्षात या संख्येत मोठी वाढ झाली आहे. यंदा एकेरी वाहतुकीच्या रस्त्यांवर विरुद्ध दिशेने वाहन चालवणाऱ्यांवर सर्वाधिक म्हणजेच ५ लाख १ हजार ६६७ जणांवर कारवाई करण्यात आली. त्यानंतर टोईंग कारवाई २ लाख १३ हजार ६४६, सिग्नल जंपिंग १ लाख ७१ हजार २०२ आणि ट्रिपल सीट ६८ हजार ९४० प्रकरणांचा समावेश आहे. सीसीटीव्ही कारवाईबरोबरच प्रत्यक्ष रस्त्यावरील कारवाई वाढवून दंडाची थेट वसुली करण्यात येत असल्याचेही पोलिस आयुक्तांनी स्पष्ट केले.
Web Summary : Pune police fined 1.8 million drivers for traffic violations, collecting over ₹54 crore. Actions targeted wrong-way driving, towing, signal jumping, and triple riding, significantly increasing enforcement compared to previous years.
Web Summary : पुणे पुलिस ने यातायात नियमों का उल्लंघन करने वाले 18.72 लाख चालकों पर जुर्माना लगाया, जिससे ₹54 करोड़ से अधिक की वसूली हुई। गलत दिशा में गाड़ी चलाने, टोइंग, सिग्नल जंपिंग और ट्रिपल राइडिंग पर कार्रवाई की गई, जो पिछले वर्षों की तुलना में अधिक है।