झटापट करून तिघांनी तरुणीकडून लुटले १७ हजार

पहाटेच्या सुमारास घडला हा प्रकार

ठळक मुद्देएकूण १७ हजार रुपये किमतीचा ऐवज नेला लुटून

पिंपरी : दुचाकीस्वार तरुणींना अडवून त्यांच्याशी झटपट करीत १७ हजारांचा ऐवज लुटून नेला. दुचाकीवरील तीन अज्ञात चोरट्यांच्या विरोधात याप्रकरणी गुन्हा दाखल करण्यात आला. दापोडी येथे गुरुवारी (दि. २५) पहाटे जबरी चोरीचा हा प्रकार घडला.
ललरी नकीमा ललरीन मोईया रालते (वय २९, रा. जुनी सांगवी) यांनी शुक्रवारी (दि. २६) याबाबत भोसरी पोलीस ठाण्यात फिर्याद दिली. फिर्यादी ललरी या मैत्रिणीसोबत गुरुवारी पहाटे साडेतीनच्या सुमारास दापोडी येथून दुचाकीवरून जात होत्या. त्यावेळेस दुचाकीवरून आलेल्या तीन चोरट्यांनी त्यांची दुचाकी फिर्यादीच्या दुचाकीला आडवी घातली. त्यानंतर त्यांनी झटापट करत फिर्यादी यांच्या मैत्रिणीचा १६ हजार रुपये किमतीचा मोबाईल आणि एक हजार रुपये असलेली लेझरची पर्स असा एकूण १७ हजार रुपये किमतीचा ऐवज लुटून नेला.