ठाकरे बंधूंचा एकत्र मोर्चा, भाजपची टीका अन् सुषमा अंधारेंचे प्रत्युत्तर

- जर भाजप खरंच मराठीसाठी कट्टर असते, तर त्यांनी मराठीसाठी अध्यादेश का काढले नाहीत? आम्ही दोन महिने का थांबलो? आम्हाला खोटी माहिती देणाऱ्या मुख्यमंत्र्यांना आम्ही नोटीस बजावली आहे, असे वक्तव्य सुषमा अंधारेंनी केले.

मुंबई - राज्यातील मराठी जनतेच्या हितासाठी शिवसेना आणि महाराष्ट्र नवनिर्माण सेना (मनसे) एकत्र येऊन लवकरच मोर्चा काढणार असल्याची घोषणा करण्यात आली आहे. महाराष्ट्र आणि मराठी माणूस याचे हित हेच आमचे प्रमुख ध्येय आहे  असे म्हणत शिवसेनेने भाजपवर कडाडून टीका केली आहे.

या मोर्चाच्या निमित्ताने दोन्ही पक्षांच्या नेतृत्वाची एकजूट पाहायला मिळणार असून, यामागे भाजपचे राजकारण उघड झाले आहे, असा आरोप करण्यात आला आहे. मुख्यमंत्री एकनाथ शिंदे आणि मनसे प्रमुख राज ठाकरे यांची भेट भाजपला योग्य वाटते, पण जेव्हा शिवसेना आणि मनसे एकत्र मोर्चा काढतात, तेव्हा भाजपला वेगळे अर्थ काढावे लागतात. असा टोला शिवसेनेने लगावला.

 जर भाजप खरंच मराठीसाठी कट्टर असते, तर त्यांनी मराठीसाठी अध्यादेश का काढले नाहीत? आम्ही दोन महिने का थांबलो? आम्हाला खोटी माहिती देणाऱ्या मुख्यमंत्र्यांना आम्ही नोटीस बजावली आहे, असे वक्तव्य सुषमा अंधारेंनी केले.

हिंदी सक्तीच्या मुद्द्यावरूनही भाजपवर जोरदार हल्ला चढवण्यात आला. अजित पवार यांनी हिंदीविरोधात भूमिका घेतली, पण मुख्यमंत्री शिंदे गप्प का? असा सवाल उपस्थित करण्यात आला आहे.

संजय राऊत आणि राज ठाकरे यांच्यातील संवादाला पक्षाच्या पातळीवर नव्हे, तर मित्रत्वाच्या नात्याने बघावे लागेल, असेही स्पष्ट करण्यात आले. ही एकजूट हे बालासाहेब ठाकरे यांचे स्वप्न पूर्ण होण्याच्या दिशेने पहिले पाऊल आहे. असे मत व्यक्त करण्यात आले.

या पार्श्वभूमीवर भाजप नेते देवेंद्र फडणवीस यांची प्रतिक्रिया अद्याप स्पष्ट झालेली नाही. ते आज अस्वस्थ असतील, ताज हॉटेलमध्ये झालेली भेट हा राजकीय अजेंडा होता. अशी टीका शिवसेनेकडून झाली आहे.

हे पक्षीय राजकारणाच्या पलीकडे जाऊन मराठी हिताचा मुद्दा आहे. त्यामुळे मराठीसाठी काम करणाऱ्यांनी या मोर्चात सामील व्हावे. असे आवाहन सुषमा अंधारेंनी केले आहे.