कात्रज: मुंबई बंगळूर हायवेवरून जाणाऱ्या दूध वाहतूक टेम्पोचा अपघात झाल्याची घटना सोमवारी सकाळी ९ च्या दरम्यान जांभूळवाडी दरी पुलाजवळ घडली.
वाहन चालकाला रस्त्याचा अंदाज न आल्याने वाहन डिव्हायडरला धडकले व अपघात झाला. दोघे जण वाहनामध्ये होते या अपघातामध्ये कोणीही जखमी झाले नाही. अपघाताची माहिती भारती विदयापीठ वाहतूक विभागाला मिळताच क्रेनच्या साह्याने अपघातग्रस्त वाहन बाजूला करण्यात आले व वाहतूक सुरळीत केली. ही कामगिरी पोलिस निरीक्षक विजय तिकोळे यांच्या मार्गदर्शना नुसार पोलिस उपनरीक्षक अविनाश शिंदे पोलीस हवालदार कुलाळ, पोलीस नाईक कुडले, पोलीस शिपाई कसबे, पोलीस शिपाई चोरमले यांनी केली.