पुणे : विमान नगर परिसरातील स्पा सेंटरमधील महिलेच्या मृत्यू प्रकरणाचा तपास राज्य गुन्हे अन्वेषण विभागाकडे (सीआयडी) द्यावा, अशी मागणी महिलेच्या पतीने पोलिस आयुक्त अमितेश कुमार यांची भेट घेऊन केली आहे. त्यानुसार सीआयडी पथकाकडून तपास केला जात आहे.
विमाननगर परिसरातील एका स्पा सेंटरमध्ये वेश्या व्यवसाय सुरू असल्याची माहिती मिळाल्यानंतर विमानतळ पोलिसांच्या पथकाने रविवारी तेथे छापा टाकला होता. पोलिसांची कारवाई, तसेच अटकेची भीती वाटल्याने महिलेसह स्पा सेंटरच्या व्यवस्थापकाने यावेळी इमारतीच्या दुसऱ्या मजल्यावरुन उडी मारली होती. या घटनेत गंभीर जखमी झाल्याने महिलेचा मृत्यू झाला. तर या सेंटरमधील व्यवस्थपाकाच्या पायाला दुखापत झाली. या प्रकरणाची सीआयडी मार्फत तपास करावा, अशी मागणी महिलेच्या पतीने पोलिस आयुक्तांकडे केली होती. त्यानुसार सीआयडीच्या पथकाने मंगळवारी घटना स्थळाच्या इमारतीस भेट देऊन संबंधितांचे जबाब नोंदवले.
दरम्यान पुण्यातील विमाननगर परिसरात रविवारी दुपारी ‘द रूट्स स्पा’ या स्पा सेंटरवर पोलिसांच्या कारवाईदरम्यान एका तरुणीने आणि स्पा सेंटरच्या मॅनेजरने इमारतीच्या दुसऱ्या मजल्यावरून उडी मारली. या घटनेत तरुणीचा दुर्दैवी मृत्यू झाला. तर मॅनेजर गंभीर जखमी झाला. पोलिसांनी दिलेल्या प्राथमिक माहितीनुसार, विमानतळ पोलिसांच्या पथकाने दुपारी सुमारे तीन वाजण्याच्या सुमारास संबंधित स्पा सेंटरवर छापा टाकला. स्पामध्ये सुरू असलेल्या संशयास्पद प्रकारांबाबत पोलिसांना तक्रार प्राप्त झाल्यानंतर ही कारवाई करण्यात आली होती. कारवाईदरम्यान अटक होण्याच्या भीतीने एका तरुणीने आणि मॅनेजरने दुसऱ्या मजल्यावरील खिडकीतून उडी मारल्याचे पोलिसांनी सांगितले. उडी मारल्यानंतर दोघेही गंभीर जखमी झाले. जखमी अवस्थेत त्यांना तातडीने रुग्णालयात हलविण्यात आले; मात्र तरुणीचा उपचारापूर्वीच मृत्यू झाला.
Web Summary : Following a woman's death after jumping from a Pune spa during a police raid, the case is now with the CID. The husband requested the investigation due to suspected illegal activities at the spa.
Web Summary : पुलिस छापे के दौरान पुणे के एक स्पा से कूदने के बाद एक महिला की मौत के बाद, मामला अब सीआईडी के पास है। पति ने स्पा में संदिग्ध अवैध गतिविधियों के कारण जांच का अनुरोध किया।