पुणे : शनिवारवाडा ऐतिहासिक वास्तूचे १८२८ साली लागलेल्या भीषण आगीत मोठे नुकसान झाले होते. त्यानंतर वाड्याचे मूळ वैभव हरपले, ही अत्यंत वेदनादायी बाब आहे. राज्यातील गडकिल्ल्यांचे संवर्धन आणि जतन करण्यासाठी केंद्र व राज्य सरकारकडून विविध उपाययोजना केल्या जात आहेत. त्याच धर्तीवर ऐतिहासिक प्रतीक असलेल्या शनिवारवाड्यालाही पुनर्वैभव प्राप्त करून देण्यासाठी मूळ स्वरूपात सात मजली उभारण्यात यावा, अशी मागणी आमदार हेमंत रासने यांनी विधानसभेत केली आहे.
कसबा मतदारसंघातील विविध प्रश्नांकडे आमदार हेमंत रासने यांनी विधानसभेचे लक्ष वेधले. यावेळी शनिवारवाडा-स्वारगेट तसेच सारसबाग-शनिवारवाडा या प्रस्तावित भुयारी मार्गांचा सविस्तर प्रकल्प अहवाल तातडीने तयार करून पुणे शहरातील पहिला भुयारी मार्ग प्रत्यक्षात आणावा, तसेच मामलेदार कचेरी परिसरात थोर क्रांतिकारक राजे उमाजी नाईक यांच्या राष्ट्रीय स्मारकासाठी राज्य सरकारच्या माध्यमातून आवश्यक तरतूद करण्यात यावी, अशी मागणी रासने यांनी केली.
कसबा मतदारसंघात शेकडो जुने वाडे आहेत. मात्र यूडीसीपीआर नियमावलीतील काही अटींमुळे या वाड्यांच्या पुनर्विकास प्रक्रियेत अनेक अडचणी निर्माण होत आहेत. त्यामुळे येथे राहणाऱ्या नागरिकांना दिलासा देण्यासाठी या नियमावलीत आवश्यक त्या सुधारणा करण्याची गरज आहे. पालिका कर्मचाऱ्यांच्या वसाहतींमधील अनेक इमारती धोकादायक अवस्थेत आहेत. या पार्श्वभूमीवर नगरविकास विभागाच्या माध्यमातून त्यांच्या पुनर्विकासाचा प्रकल्प तातडीने हाती घ्यावा असे रासने यांनी विधानसभेत सांगितले.
Web Summary : MLA Hemant Rasane demanded the seven-story reconstruction of Shaniwar Wada in the Assembly. He also urged the creation of underground routes and a Umaji Naik memorial, addressing redevelopment hurdles and unsafe housing for municipal workers.
Web Summary : विधायक हेमंत रासने ने विधानसभा में शनिवार वाड़ा को सात मंजिला बनाने की मांग की। उन्होंने भूमिगत मार्गों और उमाजी नाइक स्मारक के निर्माण का भी आग्रह किया, साथ ही पुनर्विकास बाधाओं और नगरपालिका कर्मचारियों के लिए असुरक्षित आवासों को संबोधित किया।