राजकारण बाजूला ठेवून मुलीला ताब्यात घेण्यासाठी एकत्र या, हिंदू जनआक्रोश मोर्चामध्ये पडळकरांचे आवाहन

संबंधित मुलगी उद्या हजर न झाल्यास पुन्हा २० तारखेला आंदोलनाची दिशा ठरवून आंदोलन केले जाईल

भिगवण : मुलीला नराधमांच्या तावडीतून पोलिसांनी तात्काळ हजर करून कुटुंबियांच्या ताब्यात द्यावी हिंदू धर्मातील धर्माच्या मुलींचे संरक्षण झालेच पाहिजे मुलगी ताब्यात आलीच पाहिजे. सगळ्यांनी राजकारण बाजूला ठेवून मुलगी ताब्यात घेण्यासाठी एकत्र आले पाहिजे. असे आवाहन आमदार गोपीचंद पडळकर यांनी भिगवण येथे केले. 

भिगवण येथील तरुणीच्या अपहरणानंतर आरोपीला पोलिसांकडून अटक केली जात नसल्याने संतप्त ग्रामस्थांनी भिगवण येथे भाजपा नेते गोपीचंद पडळकर आणि आमदार संग्राम जगताप यांच्या नेतृत्वाखाली हिंदू जन आक्रोश मोर्चाचे आयोजन करण्यात आले होते. हिंदू जन आक्रोश मोर्चाची सुरुवात भिगवण बसस्थानक ते भिगवण पोलिस स्टेशन पर्यंत मोर्चा काढून नंतर बसस्थानक परिसरात निषेध व्यक्त करत सभा पार पडली. या मोर्चा मध्ये हजारोंच्या संख्येने ग्रामस्थ उपस्थित होते

यावेळी आमदार संग्राम जगताप म्हणाले की, कोणत्याही व्यक्ती हितासाठी ही लढाई नसून अश्या घटना पुन्हा घडू नये यासाठी आपण सतर्क राहिले पाहिजे. या प्रकरणात कोणी दबाव टाकतील कोणतेही व्हिडीओ येतील त्यावर नागरिकांनी विश्वास ठेवू नये असे आवाहन केले. संबंधित मुलगी उद्या हजर न झाल्यास पुन्हा २० तारखेला आंदोलनाची दिशा ठरवून आंदोलन केले जाईल. यामध्ये माऊली हरनावळ, अमोल काटे,आदींची प्रमुख भाषणे पार पडली.