पुणे: मुंढवा–हडपसर रेल्वे स्थानकाकडे जाणारा महत्त्वाचा रस्ता गेल्या चार महिन्यांपासून अपूर्ण कामांमुळे अत्यंत धोकादायक बनला असून स्थानिकांनी त्याला “मृत्यूचा सापळा” अशी उपमा दिली आहे. दररोज हजारो नागरिक आणि प्रवासी या मार्गावरून प्रवास करतात; मात्र मोठमोठे खड्डे, अर्धवट दुरुस्ती आणि सुरक्षा उपाययोजनांचा अभाव यामुळे अपघाताची शक्यता वाढली आहे.सोशल मीडियावर व्हायरल झालेल्या एका व्हिडिओमुळे हा मुद्दा पुन्हा ऐरणीवर आला आहे. व्हिडिओ शेअर करणाऱ्या नागरिकाने पुणे महापालिकेवर निष्काळजीपणाचा आरोप करत, दिवाळीपासून सुरू असलेली दुरुस्ती अजूनही पूर्ण न झाल्याचे म्हटले आहे. त्यामुळे वाहनचालकांना वाहतूक कोंडी, धोकादायक रस्ते आणि खराब पृष्ठभागाचा सामना करावा लागत आहे.स्थानिक रहिवाशांचे म्हणणे आहे की, महापालिका कराच्या माध्यमातून मोठा महसूल गोळा करते; मात्र मूलभूत सुविधांकडे दुर्लक्ष होत असल्याची भावना नागरिकांमध्ये वाढत आहे. “शहरात मोठ्या क्रीडा स्पर्धा आणि मॅरेथॉन आयोजित केल्या जातात, पण दैनंदिन वापराचे रस्ते सुरक्षित नसतील तर विकासाचा फायदा नेमका कुणाला?” असा सवालही नागरिकांनी उपस्थित केला आहे.
Web Summary : Pune residents are furious about the dangerous, unfinished roads between Mundhwa and Hadapsar, despite paying taxes. They criticize the municipality for prioritizing events over basic infrastructure, demanding immediate action for safer roads.
Web Summary : पुणेकर टैक्स भरने के बावजूद मुंढवा-हडपसर के बीच खतरनाक, अधूरे रास्तों से परेशान हैं। निवासियों ने बुनियादी ढांचे पर आयोजनों को प्राथमिकता देने के लिए नगरपालिका की आलोचना की और सुरक्षित सड़कों के लिए तत्काल कार्रवाई की मांग की।