पोलिस भरती निमित्त ग्रामीण पोलिस मुख्यालय परिसरात वाहतूक बदल 

ग्रामीण पोलिस मुख्यालयाच्या परिसरातील अंतर्गत रस्ते दररोज पहाटे चार ते सायंकाळी सहा यावेळेत वाहतुकीस बंद ठेवण्यात येणार आहे.

पुणे : पोलिस भरती प्रक्रिया निमित्त पाषाण रस्त्यावरील पुणे ग्रामीण पोलिस मुख्यालयाच्या परिसरात वाहतूक बदल करण्यात आले आहेत. ग्रामीण पोलिस मुख्यालयाच्या परिसरातील अंतर्गत रस्ते दररोज पहाटे चार ते सायंकाळी सहा यावेळेत वाहतुकीस बंद ठेवण्यात येणार आहे. ग्रामीण मुख्यालयाच्या परिसरातील हे वाहतूक बदल १७ फेब्रुवारीपर्यंत लागू राहणार आहेत.

पोलिस भरती प्रकियेसाठी उमेदवारांची ग्रामीण मुख्यालयाच्या आवारात उमेदवारांची होणारी गर्दी विचारात घेऊन बुधवारपासून (दि. ११) वाहतूक बदल करण्यात आले आहेत. मंगळवार (दि. १७) पर्यंत या भागातील वाहतूक दररोज पहाटे चार ते सायंकाळी सहापर्यंत बंद राहणार आहे.

वाहनचालकांनी पर्यायी मार्गांचा वापर करावा, असे आवाहन वाहतूक शाखेचे पोलिस उपायुक्त हिंमत जाधव यांनी केले आहे. पाषाण रस्त्यावरील पोलिस अधीक्षक कार्यालयाचे मुख्य प्रवेशद्वार ते बाणेर रस्त्यावरील पुरंदर हाॅल दरम्यानचा रस्ता वाहतुकीस बंद ठेवण्यात येणार आहे. पाषाण रस्त्यावरील पेट्रोल पंपाजवळील प्रवेशद्वार ते बाणेर रस्त्यावरील प्रवेशद्वार हा रस्ता वाहतुकीस बंद ठेवण्यात येणार आहे.